2021 jylǧy 1 nauryzdaǧy jaǧdai boiynşa jūmysynan aiyryluyna bailanysty äleumettık tölem aluşylardyŋ sany 37,5 myŋ adamdy qūrady. Būl turaly eŋbek jäne halyqa äleumettık qorǧau ministrlıgınıŋ baspasöz qyzmetı habarlady.
Elde jūmystan bosatylǧan jūmyskerler mındettı äleumettık saqtandyru jüiesıne qatysu ötılıne jäne soŋǧy 24 aidaǧy tabysyna bailanysty 1 aidan 6 aiǧa deiın jūmysynan aiyryluy boiynşa äleumettık tölem aluǧa qūqyly. Tölem mölşerı joǧalǧan kırıstıŋ 40%-yn para-par.
Tölem taǧaiyndau üşın jūmystan bosatylǧan adam tömendegıdei äreketter ısteuı kerek:
- eGov.kz portalynda avtorizasiialanu;
- "Jūmysqa ornalastyru jäne jūmyspen qamtu" bölımınde "Jūmys ızdeuşı adamdardy tırkeu" qyzmetın taŋdau;
- Onlain-qyzmetke tapsyrys berıp, barlyq joldardy toltyru jäne oǧan ESQ-men qol qoiyp, ötınımdı jıberu ;
Mūnan soŋ bır kün ışınde tūrǧylyqty jerdegı halyqty jūmyspen qamtu ortalyǧy bos jūmys oryndaryn ūsynady. Eger jūmys tabylmasa, 3 jūmys künı ışınde jūmyssyz märtebesı berıledı.
Jūmyssyz retınde tırkelu kezınde Eŋbekminınıŋ aqparattyq jüiesı tölemdı taǧaiyndau boiynşa qyzmet körsetuge kelısu üşın mobildı telefonǧa SMS-habarlama jıberedı. Kelısken jaǧdaida SMS-habarlamaǧa jauap beru qajet. Tölem avtomatty türde taǧaiyndalady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz