انشىلەر مەن سپورتشىلار كوروناۆيرۋسقا قارسى ۆاكتسينادان نە ءۇشىن قورقادى؟ بۇل تۋرالى “ادىرنا” ۇلتتىق پورتالىنىڭ ءتىلشىسى Sputnik قازاقستان سايتىنا سىلتەمە جاساپ حابارلايدى.
ءانشى مارجان اراپباەۆا كوروناۆيرۋسقا قارسى ۆاكتسينانىڭ جىلدار بويى تاجىريبەدەن وتپەگەنىن ايتىپ، ۆاكتسينا سالدىرۋعا قورقاتىنىن جەتكىزدى.
ء"تىپتى، بىلمەيمىن. ەشتەڭە ايتا المايمىن. ءبارى قورقىنىشتى. ۆاكتسينادان كەيىن نە بولاتىنىن بىلمەيمىن عوي. قورقىنىش بار. سەبەبى بۇل جىلدار بويى تەكسەرىلمەگەن دۇنيە. كونتسەرتتەرگە بارىپ ءجۇرمىن، بىراق ينفەكتسيا جۇقتىرىپ الۋ تۋرالى قورقىنىش، وي بولمايدى", – دەيدى ءانشى.
"ساقتىقتا قورلىق جوق" دەگەندى ۇستاناتىن اراپباەۆا مەديتسينالىق ماسكانى تاستامايتىنىن دا ايتىپ ءوتتى.
ال ءانشى جازيرا بايىربەكوۆا وتباسىندا مۇنداي تاقىرىپتاعى ماسەلەنى كۇيەۋى جانبولات ەرباتىروۆتىڭ شەشەتىنىن العا تارتتى.
"جانبولات شەشەدى. مەنىڭ جاڭالىق كورۋگە ۋاقىتىم دا جوق. ۇيدە كىشكەنتاي بالا بار... ۆاكتسينا سالۋ تۋرالى سويلەسكەن جوقپىز", – دەيدى بايىربەكوۆا.
جيىندارعا بارعاندا ينفەكتسيا جۇقتىرىپ الۋ تۋرالى قورقىنىش بولاتىنىن ايتقان ءانشى يممۋنيتەتتى كوتەرۋ تۋرالى ويلايدى. الايدا ۆاكتسينا تۋرالى وي بولماعان.
بۇركىت اتىمەن تانىلعان ءانشى ايبەك جانسەيىتوۆ ۆاكتسينا تۋرالى ساۋالعا قىسقا جاۋاپ بەردى.
"بىلمەيدى ەكەنمىن. ەسىمىزدى ەندى جيىپ جاتىرمىز. ەشتەڭە بىلمەيمىن", – دەدى ول.
سونىمەن قاتار سپورتشى ادىلبەك نيازىمبەتوۆتىڭ تە كوروناۆيرۋسقا قارسى ۆاكتسينا سالدىرۋ تۋرالى ويىن سۇرادىق.
"قارسىمىن. ونى سالدىرىپ نە ىستەيدى؟ كوروناۆيرۋسقا قارسى ۆاكتسيناعا قارسىمىن. ءبىزدىڭ دەنساۋلىعىمىز جاقسى. اۋىرىپ قالاتىنداي ەمەس. سوندىقتان سالدىرتپاعاندى ءجون كورىپ وتىرمىن. مىسالى سپورتشىلار سالماق تۇسىرگەن كەزدە كىشكەنتاي بالا سياقتى اۋىرىپ قالادى. سپورتشىلاردىڭ اۋىرىپ قالۋىنا ۆاكتسينانىڭ قاتىسى جوق. ءوزىمىز دە سالماق تۇسىرگەن كەزدە اۋىرىپ قالىپ جۇردىك", – دەيدى نيازىمبەتوۆ.
سپورتشى جاقىندا ماڭعىستاۋ وبلىسىندا باسشىلىق قىزمەتكە تاعايىندالدى. كوپشىلىكپەن بىرگە جۇمىس ىستەيتىنىنە قاراماستان ول ينفەكتسيا جۇقتىرىپ قالۋدان قورىقپايدى.
"ونداي قورقىنىش جوق. وسى ۋاقىتقا دەيىن دە قانشاما اداممەن سويلەستىك. قانشاما جينالىستا بولدىق. جۇعاتىن بولسا سول كەزدە جۇعار ەدى", – دەيدى ول.
ايتا كەتەيىك، قازاقستاندا كوروناۆيرۋسقا قارسى ۆاكتسينالاۋ 2021 جىلدىڭ ءبىرىنشى اقپانىندا باستالدى. ءبىرىنشى كەزەڭدە مەديتسينا قىزمەتەرلەرىنە ۆاكتسينا ەگىلدى. جوسپار بويىنشا جىل سوڭىنا دەيىن 6 ميلليون ادامعا ۆاكتسينا سالىنادى.
