Änşıler men sportşylar koronavirusqa qarsy vaksinadan ne üşın qorqady? Būl turaly “Adyrna” ūlttyq portalynyŋ tılşısı Sputnik Qazaqstan saityna sılteme jasap habarlaidy.
Änşı Marjan Arapbaeva koronavirusqa qarsy vaksinanyŋ jyldar boiy täjıribeden ötpegenın aityp, vaksina saldyruǧa qorqatynyn jetkızdı.
"Tıptı, bılmeimın. Eşteŋe aita almaimyn. Bärı qorqynyşty. Vaksinadan keiın ne bolatynyn bılmeimın ǧoi. Qorqynyş bar. Sebebı būl jyldar boiy tekserılmegen dünie. Konsertterge baryp jürmın, bıraq infeksiia jūqtyryp alu turaly qorqynyş, oi bolmaidy", – deidı änşı. "Saqtyqta qorlyq joq" degendı ūstanatyn Arapbaeva medisinalyq maskany tastamaitynyn da aityp öttı.Al änşı Jazira Baiyrbekova otbasynda mūndai taqyryptaǧy mäselenı küieuı Janbolat Erbatyrovtyŋ şeşetının alǧa tartty.
"Janbolat şeşedı. Menıŋ jaŋalyq köruge uaqytym da joq. Üide kışkentai bala bar... Vaksina salu turaly söilesken joqpyz", – deidı Baiyrbekova. Jiyndarǧa barǧanda infeksiia jūqtyryp alu turaly qorqynyş bolatynyn aitqan änşı immunitettı köteru turaly oilaidy. Alaida vaksina turaly oi bolmaǧan.Bürkıt atymen tanylǧan änşı Aibek Janseiıtov vaksina turaly saualǧa qysqa jauap berdı.
"Bılmeidı ekenmın. Esımızdı endı jiyp jatyrmyz. Eşteŋe bılmeimın", – dedı ol.Sonymen qatar sportşy Ädılbek Niiazymbetovtyŋ te koronavirusqa qarsy vaksina saldyru turaly oiyn sūradyq.
"Qarsymyn. Ony saldyryp ne ısteidı? Koronavirusqa qarsy vaksinaǧa qarsymyn. Bızdıŋ densaulyǧymyz jaqsy. Auyryp qalatyndai emes. Sondyqtan saldyrtpaǧandy jön körıp otyrmyn. Mysaly sportşylar salmaq tüsırgen kezde kışkentai bala siiaqty auyryp qalady. Sportşylardyŋ auyryp qaluyna vaksinanyŋ qatysy joq. Özımız de salmaq tüsırgen kezde auyryp qalyp jürdık", – deidı Niiazymbetov.Sportşy jaqynda Maŋǧystau oblysynda basşylyq qyzmetke taǧaiyndaldy. Köpşılıkpen bırge jūmys ısteitınıne qaramastan ol infeksiia jūqtyryp qaludan qoryqpaidy.
"Ondai qorqynyş joq. Osy uaqytqa deiın de qanşama adammen söilestık. Qanşama jinalysta boldyq. Jūǧatyn bolsa sol kezde jūǧar edı", – deidı ol.Aita keteiık, Qazaqstanda koronavirusqa qarsy vaksinalau 2021 jyldyŋ bırınşı aqpanynda bastaldy. Bırınşı kezeŋde medisina qyzmeterlerıne vaksina egıldı. Jospar boiynşa jyl soŋyna deiın 6 million adamǧa vaksina salynady.
