شىعىس قازاقستان وبلىسى كوروناۆيرۋستىڭ تارالۋىنا بايلانىستى وبلىسقا كىرۋ جانە شىعۋ بويىنشا تىيىم سالىندى. وبلىستا كارانتين 15 ساۋىرگە دەيىن ۇزارتىلدى، دەپ حابارلايدى "ادىرنا" ۇلتتىق پورتالى. بۇل تۋرالى شىعىس قازاقستان وبلىسىنىڭ باس مەملەكەتتىك سانيتارلىق دارىگەرى قانات تۋرديەۆتىڭ جاڭا قاۋلىسىندا ايتىلدى.
«وسى قاۋلىنىڭ 1-قوسىمشاسىندا كورسەتىلگەن ادامداردى قوسپاعاندا ولار راستايتىن قۇجاتتاردى كورسەتكەن جاعدايدا، ازاماتتاردىڭ وبلىستىڭ اۋماعىنا (اۋماقتارىنا) كىرۋىنە / شىعۋىنا تىيىم سالىنادى. ەرەكشە جاعدايلاردا سانيتارلىق پوستتاردان ادامداردىڭ جەكەلەگەن ساناتتارىنا شىعۋعا جانە كىرۋگە رۇقساتتار، وسى قاۋلىدا كورسەتىلگەن ساناتتاردى قوسپاعاندا، قالانىڭ / اۋداننىڭ جەرگىلىكتى اتقارۋشى ورگانىنىڭ شەشىمى بويىنشا بەرىلۋى مۇمكىن»، - دەلىنگەن قۇجاتتا.
شەكتەۋ شارالارى تالاپ ەتىلمەيدى:
- قوعامدىق ءومىردى قولداۋ ۇيىمدارىنىڭ، مەديتسينالىق، سانيتارلىق-ەپيدەميولوگيالىق، قۇقىق قورعاۋ،
- ارنايى جەدەل جانە توتەنشە جاعدايلار قىزمەتتەرىنىڭ قىزمەتكەرلەرى;
- مەديتسينالىق سەبەپتەر بويىنشا شىعاتىن جانە كىرەتىن ادامدار;
- كارانتيندىك اۋرۋحانالاردا ەمدەلگەن جانە باقىلاۋعا الىنعان ادامدار;
- ترانزيتتىك جولاۋشىلار مەن جۇك تاسىمالداۋشىلار;
- تۇراقتى تۇرعىلىقتى جەرىنە ورالاتىن ادامدار جانە ايماق تۇرعىندارى ء(بىر وتباسى مۇشەلەرى) ساياجاي ۇيلەرىنە بارۋ ءۇشىن (ساياجايلار، ومارتاشىلار، ساياتشىلىقتار، قىستاقتار) قۇقىق بەلگىلەيتىن قۇجاتتاردى ۇسىنعان كەزدە;
- اۋىسىمدىق جۇمىسشىلاردى تاسىمالدايتىن ماشينالار جانە باسقا ساناتتاعى جانداردان.
شقو سانيتارلىق بەكەتتەرى:
الماتى وبلىسىنان شىعىس قازاقستان وبلىسىنىڭ سىرتقى شەكارالارىنا كىرۋدى / شىعۋدى باقىلاۋعا ارنالعان 3 سانيتارلىق بەكەت;
قاراعاندى جانە پاۆلودار وبلىستارىنان شىعىس قازاقستان وبلىسىنىڭ سىرتقى شەكارالارىنا كىرۋدى / شىعۋدى باقىلاۋعا ارنالعان 3 سانيتارلىق بەكەت;
«اۋىل»، «ۋبا»، «باقتى»، «مايقاپشاعاي» باقىلاۋ-وتكىزۋ پۋنكتتەرىندە قازاقستاننىڭ مەملەكەتتىك شەكاراسى ارقىلى وتەتىن جولداردا 4 سانيتارلىق بەكەت (شەمونايحا، بورودۋليحين، ءۇرجار، زايسان اۋداندارى - ءبىر-بىردەن).
قوسا كەتسەك، شىعىس قازاقستان وبلىسى «جاسىل» ايماقتا. وتكەن تاۋلىكتە مۇندا كوروناۆيرۋستىڭ 34 جاڭا جاعدايى انىقتالدى. قازاقستاندا بارلىعى 1873 جاڭا ناۋقاس تىركەلگەن.
"ادىرنا" ۇلتتىق پورتالى
