Şyǧys Qazaqstan oblysy koronavirustyŋ taraluyna bailanysty oblysqa kıru jäne şyǧu boiynşa tyiym salyndy. Oblysta karantin 15 säuırge deiın ūzartyldy, dep habarlaidy "Adyrna" ūlttyq portaly. Būl turaly Şyǧys Qazaqstan oblysynyŋ bas memlekettık sanitarlyq därıgerı Qanat Turdievtıŋ jaŋa qaulysynda aityldy.
«Osy qaulynyŋ 1-qosymşasynda körsetılgen adamdardy qospaǧanda olar rastaityn qūjattardy körsetken jaǧdaida, azamattardyŋ oblystyŋ aumaǧyna (aumaqtaryna) kıruıne / şyǧuyna tyiym salynady. Erekşe jaǧdailarda sanitarlyq posttardan adamdardyŋ jekelegen sanattaryna şyǧuǧa jäne kıruge rūqsattar, osy qaulyda körsetılgen sanattardy qospaǧanda, qalanyŋ / audannyŋ jergılıktı atqaruşy organynyŋ şeşımı boiynşa berıluı mümkın», - delıngen qūjatta.Şekteu şaralary talap etılmeidı:
- qoǧamdyq ömırdı qoldau ūiymdarynyŋ, medisinalyq, sanitarlyq-epidemiologiialyq, qūqyq qorǧau,
- arnaiy jedel jäne tötenşe jaǧdailar qyzmetterınıŋ qyzmetkerlerı;
- medisinalyq sebepter boiynşa şyǧatyn jäne kıretın adamdar;
- karantindık auruhanalarda emdelgen jäne baqylauǧa alynǧan adamdar;
- tranzittık jolauşylar men jük tasymaldauşylar;
- tūraqty tūrǧylyqty jerıne oralatyn adamdar jäne aimaq tūrǧyndary (bır otbasy müşelerı) saiajai üilerıne baru üşın (saiajailar, omartaşylar, saiatşylyqtar, qystaqtar) qūqyq belgıleitın qūjattardy ūsynǧan kezde;
- auysymdyq jūmysşylardy tasymaldaityn maşinalar jäne basqa sanattaǧy jandardan.
"Adyrna" ūlttyq portaly
Ūqsas jaŋalyqtar
