Qazaqstandyqtardyń jeke málimeti jelide jarııalanyp ketti

3818
Adyrna.kz Telegram

30 myńnan astam qazaqstandyq Telegram qoldanýshynyń derekteri jelide tarady, dep habarlaıdy «Adyrna» ulttyq portaly nege.kz saıtyna silteme jasap.

Alaıaqtar qazaqstandyq qoldanýshylardyń jeke derekterin bank kartalaryn buzý maqsatynda qońyraý shalý nemese habarlama joldaý úshin paıdalanýy múmkin. Bul týraly KZ-CERT kompıýterdegi oqıǵalarǵa jaýap qaıtarý qyzmeti aıtty.

Ortalyq qyzmetkerleri ınternettiń qazaqstandyq segmentine aqparattyq qaýipsizdik boıynsha monıtorıng júrgizip, messendjer arnasynyń birinen Telegram jelisin paıdalanýshylardyń jeke derekteri týraly 744 myń jazba toptalǵan faıldy anyqtady.

«Analız nátıjesinde ol faıldyń ishinde qoldanýshynyń ID adresi, aty-jóni, telefon nómiri jáne "ózi jaıly" grafasyndaǵy málimetter bar ekeni belgili boldy. Sonyń ishinde 30 myńnan astam akkaýntta qazaqstandyq nómirler tirkelgen», - dep jazylǵan habarlamada.

Telegram-arnasynyń avtory anyqtalǵan faıldy «Glaz Boga» platformasyndaǵy klıentterdiń bazasy dep túsinikteme bergen. Bul áleýmettik jeli, messendjer, izdeý júıeleri men basqa da aqparat kózderinen alynǵan derekter negizinde jınaqtalǵan qoldanýshylar týraly jeke málimetterdi alýǵa múmkindik beretin TMD-daǵy iri servıs (qoldanýshy sany 1 mıllıonnan asady).

Sarapshylardyń pikirinshe, mundaı jeke derekterdiń taralýy áleýmettik jelidegi alaıaqtardyń ol málimetterdi jeke bas paıdasyna, ıaǵnı derbes nemese bank derekterin alý maqsatynda qońyraý shalý nemese habarlama joldaý úshin qoldanýy múmkin.

Eske salsaq, jeke ómirge qolsuǵýshylyq faktisine baılanysty Reseıde «Glaz Boga» Telegram-botynyń jumysy zańsyz dep tanylǵan.

"Adyrna" ulttyq portaly

Pikirler