30 myŋnan astam qazaqstandyq Telegram qoldanuşynyŋ derekterı jelıde tarady, dep habarlaidy «Adyrna» ūlttyq portaly nege.kz saityna sılteme jasap.
Alaiaqtar qazaqstandyq qoldanuşylardyŋ jeke derekterın bank kartalaryn būzu maqsatynda qoŋyrau şalu nemese habarlama joldau üşın paidalanuy mümkın. Būl turaly KZ-CERT kompiuterdegı oqiǧalarǧa jauap qaitaru qyzmetı aitty.
Ortalyq qyzmetkerlerı internettıŋ qazaqstandyq segmentıne aqparattyq qauıpsızdık boiynşa monitoring jürgızıp, messendjer arnasynyŋ bırınen Telegram jelısın paidalanuşylardyŋ jeke derekterı turaly 744 myŋ jazba toptalǧan faildy anyqtady.
«Analiz nätijesınde ol faildyŋ ışınde qoldanuşynyŋ ID adresı, aty-jönı, telefon nömırı jäne "özı jaily" grafasyndaǧy mälımetter bar ekenı belgılı boldy. Sonyŋ ışınde 30 myŋnan astam akkauntta qazaqstandyq nömırler tırkelgen», - dep jazylǧan habarlamada.Telegram-arnasynyŋ avtory anyqtalǧan faildy «Glaz Boga» platformasyndaǧy klientterdıŋ bazasy dep tüsınıkteme bergen. Būl äleumettık jelı, messendjer, ızdeu jüielerı men basqa da aqparat közderınen alynǧan derekter negızınde jinaqtalǧan qoldanuşylar turaly jeke mälımetterdı aluǧa mümkındık beretın TMD-daǧy ırı servis (qoldanuşy sany 1 millionnan asady). Sarapşylardyŋ pıkırınşe, mūndai jeke derekterdıŋ taraluy äleumettık jelıdegı alaiaqtardyŋ ol mälımetterdı jeke bas paidasyna, iaǧni derbes nemese bank derekterın alu maqsatynda qoŋyrau şalu nemese habarlama joldau üşın qoldanuy mümkın. Eske salsaq, jeke ömırge qolsūǧuşylyq faktısıne bailanysty Reseide «Glaz Boga» Telegram-botynyŋ jūmysy zaŋsyz dep tanylǧan.
"Adyrna" ūlttyq portaly
Ūqsas jaŋalyqtar
