Qazaqstan men Avstriia Kaspii qūbyr konsorsiumy arqyly qazaqstandyq mūnaidy Europa naryǧyna tūraqty jetkızudı qamtamasyz etu mäselesın talqylady, dep habarlaidy "Adyrna" ūlttyq portaly.
Būl turaly Qazaqstan Respublikasy syrtqy ıster ministrlıgı habarlady.
Qazaqstannyŋ syrtqy ıster ministrı Ermek Köşerbaev Avstriianyŋ Europalyq jäne halyqaralyq ıster jönındegı federaldyq ministrı Beate Mainl-Raizingermen telefon arqyly söilestı.
Taraptar halyqaralyq teŋız qatynasynyŋ qauıpsızdıgıne, KQK-nyŋ üzdıksız jūmys ısteuıne qatysty mäselelerdı talqylady. Kezdesude konsorsium töŋıregındegı ahualǧa erekşe nazar audaryldy.
Qazaqstan SIM mälımetınşe, KQK baǧyty arqyly Avstriiaǧa qazaqstandyq mūnaidyŋ edäuır bölıgı jetkızıledı. Qazaqstan Avstriianyŋ şikı mūnai importynyŋ şamamen 56 paiyzyn qamtamasyz etedı.
Sonymen qatar taraptar halyqaralyq jäne öŋırlık kün tärtıbındegı özektı mäseleler boiynşa pıkır almasty.
Kezdesu qorytyndysynda Qazaqstan men Avstriia arasyndaǧy praktikalyq yntymaqtastyqty odan ärı jalǧastyruǧa daiyn ekenderı rastaldy.
