اقتاۋ اۋەجايىنىڭ قورشاۋعا الىنۋىنا بايلانىستى رەسمي اقپارات جوق. ال كۋاگەرلەردىڭ ايتۋىنشا، ۇشاق جولاۋشىسىنىڭ ءبىرى كۇدىكتى پاكەتپەن ۇستالعان، دەپ حابارلايدى جەرگىلىكتى lada.kz باسىلىمى.
اقتاۋ حالىقارالىق اۋەجايىندا بولعان وقيعانىڭ ۆيدەوسىن كۋاگەرلەر ۋoutube جەلىسىندە جاريالادى. ول جەردەن عيمارات سىرتىنا ەۆاكۋتسيالانعان قاراقۇرىم حالىقتى كورۋگە بولادى.
5 ساۋىردە بولعان وقيعانىڭ كۋاگەرلەرى كۇدىكتى زات تۋرالى حابارلاما تۇسكەنى تۋرالى ءوز بولجامدارىن العا تارتادى. سونداي-اق، تاعى ءبىر كۋاگەرلەر ۇشاق جولاۋشىسىنان اۋرۋ انىقتالعانىن ايتادى.
"شىمكەنتتەن ۇشىپ كەلگەن FlyArystan ۇشاعىندا كوروناۆيرۋسپەن سىرقاتتانعان اۋىر ناۋقاس بولدى. ۇشاق جولاۋشىلارى ءبىر ساعاتقا جۋىق سىرتقا شىعارىلعان جوق. سانيتارلىق-ەپيدەميولوگيالىق قىزمەت ماماندارى مەن وزگە دە ورگانداردىڭ وكىلدەرىن كۇتىپ تۇردى. مۇنداي ارەكەت جولاۋشىلاردىڭ شامىنا ءتيدى", – دەيدى كۋاگەرلەردىڭ ءبىرى.
