Aqtaý áýejaıynyń qorshaýǵa alynýyna baılanysty resmı aqparat joq. Al kýágerlerdiń aıtýynsha, ushaq jolaýshysynyń biri kúdikti paketpen ustalǵan, dep habarlaıdy jergilikti lada.kz basylymy.
Aqtaý halyqaralyq áýejaıynda bolǵan oqıǵanyń vıdeosyn kýágerler Ýoutube jelisinde jarııalady. Ol jerden ǵımarat syrtyna evakýııalanǵan qaraqurym halyqty kórýge bolady.
5 sáýirde bolǵan oqıǵanyń kýágerleri kúdikti zat týraly habarlama túskeni týraly óz boljamdaryn alǵa tartady. Sondaı-aq, taǵy bir kýágerler ushaq jolaýshysynan aýrý anyqtalǵanyn aıtady.
"Shymkentten ushyp kelgen FlyArystan ushaǵynda koronavırýspen syrqattanǵan aýyr naýqas boldy. Ushaq jolaýshylary bir saǵatqa jýyq syrtqa shyǵarylǵan joq. Sanıtarlyq-epıdemıologııalyq qyzmet mamandary men ózge de organdardyń ókilderin kútip turdy. Mundaı áreket jolaýshylardyń shamyna tıdi", – deıdi kýágerlerdiń biri.
