ش. ايمانوۆ اتىنداعى «قازاقفيلم» كينوستۋدياسىندا قر مادەنيەت جانە سپورت مينيسترلىگىنىڭ تاپسىرىسى بويىنشا «بەتكەيدەگى بۇتالار كولەڭكەسىندە» اتتى جاڭا تولىقمەتراجدى كوركەم ءفيلمىنىڭ ءوندىرىسى باستالدى. ءفيلمنىڭ رەجيسسەرى − «ءسىز كىمسىز، كا مىرزا؟» (2010 ج.) فيلمىمەن تانىمال قۋات احمەتوۆ. فيلمدە باستى ءرولدى بيىل مامىر ايىندا 80 جاسقا كەلەتىن كسرو جانە قازاقستاننىڭ حالىق ءارتىسى ءاسانالى ءاشىموۆ سومدايدى.
كينوتۋىندىدا اعاتاي ەسىمدى قارتتىڭ ءومىرى باياندالادى. ونىڭ سۇيگەن جارى قايتىس بولعان. ارالارىندا بالالارى بولماعان. اعايىن-تۋىسقاندارى دا قالماعان. وسىنداي اۋىرتپاشىلىقتى باسىنان وتكەرگەن قارت كىسى ءوز ورتاسىنان بەزىپ، دالاعا بارىپ تۇرۋدى كوزدەيدى. ايتسە دە داناگوي، ءپالساپاشىنىڭ جولىندا بالالار ۇيىنەن قاشىپ شىققان بوبەك دەگەن كىشكەنتاي، ەلگەزەك بالا كەزىگىپ، ونىڭ باستاپقى جوسپارىن بۇزۋعا ءماجبۇر ەتەدى.
قازىرگى تاڭدا كارتينا دايىندىق كەزەڭىندە: اكتەرلەر تاڭداۋ، رەكۆيزيتتەر دايىنداۋ جانە دەكوراتسيا تۇرعىزۋ جۇمىستارى ءجۇرىپ جاتىر. ءتۇسىرىلىم جۇمىستارى ۇستىمىزدەگى جىلدىڭ مامىر-ماۋسىم ايلارىنا جوسپارلانعان. ستسەناريىن حۋات احمەتوۆ پەن رەسەيلىك كينودراماتۋرگ ودەلشا اگيشەۆ تۇركى حالىقتارىنىڭ اڭىز-اڭگىمەلەرى نەگىزىندە جازعان.
- ءاسانالى ءاشىموۆ، قازاقستان رەسپۋبليكاسىنىڭ حالىق ءارتىسى:
- بۇل جوبانى ىسكە اسىرۋ تۋرالى ۇسىنىس ايتقالى بەرى ءتۇرلى جانرداعى تالاي ستسەناري جازىلدى. الايدا ول ستسەناريلەردە مەنىڭ كورەرمەندەرگە ايتار ويىم دۇرىس جەتكىزىلمەگەن بولاتىن. سوندىقتان دا قۋات ەكەۋمىز دراماتۋرگتى كوپ ىزدەدىك. اقىرى دراماتۋرگ تابىلىپ، بۇل ماسەلە وڭ شەشىمىن تاپتى. قازىر ءتۇسىرىلىم جۇمىستارىن اسىعا كۇتىپ وتىرمىز.
قۋات احمەتوۆ 1956 جىلى 13 قاراشادا لاتۆيا كسر-دە دۇنيەگە كەلگەن. رەسەي كينەماتوگرافيستەرى وداعىنىڭ مۇشەسى. رەسەيدىڭ كينورەجيسسەرلەر گيلدياسىنىڭ مۇشەسى.رەسەي كينەماتوگرافيستەر كوميتەتىنىڭ ستسەناريستەر مەن رەجيسسەرلار دايىندايتىن جوعارى كۋرسىنىڭ كوركەم فيلمدەردىڭ قويۋشى رەجيسسەرلەرى ءبولىمىن بىتىرگەن. كينورەجيسسەر، كينودراماتۋرگ.
"ادىرنا" كز
