Sh. Aımanov atyndaǵy «Qazaqfılm» kınostýdııasynda QR mádenıet jáne sport mınıstrliginiń tapsyrysy boıynsha «Betkeıdegi butalar kóleńkesinde» atty jańa tolyqmetrajdy kórkem fılminiń óndirisi bastaldy. Fılmniń rejısseri − «Siz kimsiz, Ka myrza?» (2010 j.) fılmimen tanymal Qýat Ahmetov. Fılmde basty róldi bıyl mamyr aıynda 80 jasqa keletin KSRO jáne Qazaqstannyń Halyq ártisi Asanáli Áshimov somdaıdy.
Kınotýyndyda Aǵataı esimdi qarttyń ómiri baıandalady. Onyń súıgen jary qaıtys bolǵan. Aralarynda balalary bolmaǵan. Aǵaıyn-týysqandary da qalmaǵan. Osyndaı aýyrtpashylyqty basynan ótkergen qart kisi óz ortasynan bezip, dalaǵa baryp turýdy kózdeıdi. Áıtse de danagóı, pálsapashynyń jolynda balalar úıinen qashyp shyqqan Bóbek degen kishkentaı, elgezek bala kezigip, onyń bastapqy josparyn buzýǵa májbúr etedi.
Qazirgi tańda kartına daıyndyq kezeńinde: akterler tańdaý, rekvızıtter daıyndaý jáne dekoraııa turǵyzý jumystary júrip jatyr. Túsirilim jumystary ústimizdegi jyldyń mamyr-maýsym aılaryna josparlanǵan. Senarııin Hýat Ahmetov pen reseılik kınodramatýrg Odelsha Agıshev túrki halyqtarynyń ańyz-áńgimeleri negizinde jazǵan.
- Asanáli Áshimov, Qazaqstan Respýblıkasynyń halyq ártisi:
- Bul jobany iske asyrý týraly usynys aıtqaly beri túrli janrdaǵy talaı senarıı jazyldy. Alaıda ol senarıılerde meniń kórermenderge aıtar oıym durys jetkizilmegen bolatyn. Sondyqtan da Qýat ekeýmiz dramatýrgty kóp izdedik. Aqyry dramatýrg tabylyp, bul másele oń sheshimin tapty. Qazir túsirilim jumystaryn asyǵa kútip otyrmyz.
Qýat Ahmetov 1956 jyly 13 qarashada Latvııa KSR-de dúnıege kelgen. Reseı kınematografısteri odaǵynyń múshesi. Reseıdiń kınorejısserler gıldııasynyń múshesi.Reseı kınematografıster komıtetiniń senarıster men rejısserlar daıyndaıtyn joǵary kýrsynyń kórkem fılmderdiń qoıýshy rejısserleri bólimin bitirgen. Kınorejısser, kınodramatýrg.
"Adyrna" kz
