الماتى تۇرعىنى پوليتسيا كولىگىنىڭ كاپوتىندا تۇرىپ تۇسكەن سۋرەتى ءۇشىن جازالاندى، دەپ حابارلايدى "ادىرنا" ۇلتتىق پورتالى zakon.kz-كە سىلتەپ.
الماتى قالاسىنىڭ مامانداندىرىلعان اۋدانارالىق اكىمشىلىك سوتىندا ۇساق بۇزاقىلىق ءىسى بويىنشا سوت پروتسەسى اياقتالدى. ازامات س.، بۇزاقىلىق نيەتپەن پوليتسيا قىزمەتكەرلەرىنە دەگەن قۇرمەتسىزدىگىن كورسەتىپ، قىزمەتتىك كولىكتىڭ كاپوتىندا پوليتسيا قىزمەتكەرى رەتىندە تۇرىپ سۋرەتكە ءتۇستى، سودان كەيىن ول فوتوسۋرەتتەردى الەۋمەتتىك جەلىلەردە تاراتتى، دەلىنگەن حابارلامادا.
سوت ونى 2 تاۋلىككە قاماۋعا الۋ تۋرالى قاۋلى شىعاردى، ويتكەنى ونىڭ سوڭعى ارەكەتتەرى «قوعامداعى مىنەز-قۇلىق نورمالارىن ەلەمەۋ، قوعامدىق ءتارتىپتى بۇزۋ جانە ازاماتتاردىڭ تىنىشتىعىن بۇزۋ تۋرالى كۋالاندىرادى، بۇل ۇلكەن قاتەلىك".
"ادىرنا" ۇلتتىق پورتالى
