مەملەكەت باسشىسى نۇرسۇلتان نازارباەۆ كونستيتۋتسيانىڭ 26-شىبابىنا قاتىستى ۇسىنىس جاسادى. بۇل تۋرالى اقوردانىڭ ءباسپاسوز قىزمەتى حابارلادى.
«جۇمىس توبىنىڭ وتىرىسى بارىسىندا نۇرسۇلتان نازارباەۆ كونستيتۋتسيانىڭ 26 بابىن بۇرىنعى رەداكتسياسىندا قالدىرۋدى ۇسىندى»
ەسكە سالايىق، قر كونستيتۋتسياسىنىڭ 26-بابىندا “قازاقستان ازاماتتارى” دەگەن ءسوزدىڭ ورنىنا “اركىم” دەگەن ءسوزدى قويۋ ۇسىنىلعان ەدى.
كەيىن سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى سەرىك اقىلباي قازاقستان رەسپۋبليكاسىنىڭ كونستيتۋتسياسىنىڭ 26-بابىنا تۇزەتۋلەر جوباسى بويىنشا تۇسىندىرمە بەرگەن بولاتىن.
“بۇل جەردە “اركىم” دەپ قازاقستاننىڭ ازاماتتارى، شەتەلدىك ازاماتتار جانە ازاماتتىعى جوق ادامدار دەپ تۇسىنۋگە ءتيىسپىز. نەگە ءبىز ەلىمىزدىڭ رەزيدەنتى ەمەس ادامنىڭ نەمەسە ازاماتتىعى جوق ادامنىڭ مۇلكىنىڭ ساقتالۋىن قامتاماسىز ەتپەۋىمىز كەرەك؟ ماسەلەن، ونىڭ كولىگى، كيىمى، كومپيۋتەرى بار. مۇنىڭ ءبارى سول ادامنىڭ مۇلكى بولىپ سانالادى. ودان باسقا، شەتەلدىك ازاماتتار مۇندا ينۆەستيتسيا اكەلەدى، ول دا مۇلىك. كەلگەن ينۆەستيتسيا قورعالۋى كەرەك، ونى كونستيتۋتسيامەن ساقتاندىرىلۋىن قامتاماسىز ەتىلۋى كەرەك”، – دەپ اتاپ وتكەن ەدى ول.
ال قازاقستاندىقتار بولسا، بۇل باپتى شەتەل ازاماتتارى پايدالانىپ، جەردى جەكەمەنشىككە ساتىپ الادى دەگەن الاڭداۋشىلىعىن بىلدىرگەن.
"ادىرنا" كز
