كارىبەك داۋلەت جاماۋبايۇلى جامبىل وبلىسى اكىمىنىڭ ورىنباسارى قىزمەتىنە تاعايىندالدى، - دەپ حابارلايدى “ادىرنا” ۇلتتىق پورتالى جامبىل وبلىسى اكىمدىگى سايتىنا سىلتەمە جاساپ.
"پرەزيدەنت اكىمشىلىگىنىڭ كەلىسىمىمەن جامبىل وبلىسى اكىمىنىڭ وكىمىمەن كارىبەك داۋلەت جاماۋبايۇلى جامبىل وبلىسى اكىمىنىڭ ورىنباسارى بولىپ تاعايىندالدى", - دەلىنگەن حابارلامادا.
كارىبەك داۋلەت جاماۋبايۇلى 1990 جىلى جامبىل وبلىسى سارىسۋ اۋدانىندا دۇنيەگە كەلگەن.
جامبىل وبلىستىق دارىندى بالالارعا ارنالعان "دارىن" مەكتەپ-ينتەرناتىن، گۋميلەۆ اتىنداعى ەۋرازيا ۇلتتىق ۋنيۆەرسيتەتىن "ساياساتتانۋ" ماماندىعى بويىنشا بىتىرگەن. 2012 جىلى باكالاۆر دارەجەسىن، 2014 جىلى ماگيستر دارەجەسىن، 2018 جىلى PhD دارەجەسىن العان.
ەڭبەك جولىن استانا قالاسى الماتى اۋدانى Jas Otan جاستار قاناتى توراعاسىنىڭ ءبىرىنشى ورىنباسارى بولىپ باستاعان. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ سايلاۋالدى شتابىنىڭ Team Qazaqstan جاستار قاناتىن باسقاردى.
نۇر-سۇلتان قالاسى اكىمدىگىنىڭ جاستار ساياساتى ماسەلەلەرى باسقارماسىنىڭ باسشىسى بولىپ جۇمىس ىستەگەن.
2021 جىلدىڭ قاڭتارىنان بەرى نۇر-سۇلتان قالاسىنداعى Nur Otan پارتياسى بولىمشەسى توراعاسىنىڭ ءبىرىنشى ورىنباسارى قىزمەتىن اتقاردى.
پرەزيدەنتتىك جاستار كادر رەزەرۆىندە تۇرادى، Nur Otan پارتياسى ساياسي كەڭەسى بيۋروسىنىڭ مۇشەسى.
Басқалармен бөлісе отырыңыз
