الەمدەگى ەڭ ۇلكەن ايسبەرگ ەرىدى

4298
Adyrna.kz Telegram

الەمدەگى ەڭ ۇلكەن A68 دەپ اتالاتىن ايسبەرگ ەرىدى. ول بىرنەشە ۇساق فراگمەنتتەرگە ءبولىندى، دەپ حابارلايدى "ادىرنا" ۇلتتىق پورتالى Sky News-قا سىلتەمە جاساپ.

ايسبەرگ 2017 جىلى انتاركتيدا تۇبەگىندەگى لارسەن مۇز قايراڭىنان شىققان كەزدە 5800 شارشى شاقىرىمدى قامتىدى. ونىڭ شامامەن ماسساسى ءبىر تريلليون توننانى قۇرادى. الايدا، سپۋتنيكتىڭ سوڭعى مالىمەتتەرىنە سايكەس، ۇلكەن ايسبەرگ ءىس جۇزىندە جوعالىپ كەتتى. ول بالقىپ، ۇساق بولشەكتەرگە اينالدى. اقش-تىڭ ۇلتتىق مۇز ورتالىعىنىڭ زەرتتەۋشىلەرى مۇزدى ەندى باقىلاۋعا بولمايتىنىن ايتتى.

ايتا كەتۋ كەرەك، بۇل ورتالىق ۇزىندىعى 20 شاقىرىمنان اساتىن انتاركتيكالىق ايسبەرگتەردىڭ اتتارىن، جاعدايلارىن جانە قوزعالىستارىن باقىلايدى.

الىپ ايسبەرگ ءبىر جىل بويى ارەڭ دەگەندە جىلجىپ، ايسبەرگ اللەياسى دەپ اتالاتىن جەردە اۋىتقىپ كەتتى. ايسبەرگ سول جەردە قالىپ قويعاننان كەيىن، بىرتىندەپ ەري باستاعان. الايدا، A68 دۇرىس ەمەس جەردە بالقىپ، اتلانت مۇحيتىمەن جىلجۋدى جالعاستىردى.

ۋاقىت وتە كەلە سۋدىڭ جىلى بولۋى جانە اۋا تەمپەراتۋراسىنىڭ جوعارىلاۋى مۇز ايدىنىن ەداۋىر كىشىرەيتىپ جىبەردى. ول بارعان سايىن ۇساق بولشەكتەرگە ءبولىنىپ بارادى.

"ادىرنا" ۇلتتىق پورتالى

پىكىرلەر