قازاقستاندا ساۋىردە 18 ميلليونىنشى تۇرعىن دۇنيەگە كەلەدى. بۇل بولجام ۇلتتىق ەكونوميكا مينيسترلىگى ستاتيستيكا كوميتەتىنىڭ ەسەبى بويىنشا شىعىپ وتىر، - دەپ حابارلايدى "ۇلت اقپارات" مينيسترلىكتىڭ ءباسپاسوز حاتشىسى سامال يبراەۆاعا سىلتەمە جاساپ.
ۇلتتىق ەكونوميكا مينيسترلىگى ستاتيستيكا كوميتەتىنىڭ ەسەبى بويىنشا، قازىر قازاقستاندىقتاردىڭ ناقتى سانى - 17 ميلليون 945 مىڭ 300 ادام. "2017 جىلدىڭ 1 اقپانىنداعى جاعدايعا سايكەس، قازاقستان حالقىنىڭ سانى - 17 ملن 945 مىڭ 300 ادام. ونىڭ ىشىندە، 10 ملن 305 مىڭ 700 ادام - قالادا، 7 ميلليون 639 مىڭ 600 ادام اۋىلدا تۇرادى. حالىقتىڭ 48,4 پايىزى - ەر ازاماتتار، 51,6 پايىزى - ايەل ازاماتتار", - دەپ حابارلادى مينيسترلىكتىڭ ءباسپاسوز حاتشىسى سامال يبراەۆا.
ونىڭ ايتۋىنشا، 2016 جىلدىڭ 1 اقپانىنان بەرى حالىق سانى 231 مىڭ 500 ادامعا نەمەسە 1,3 پايىزعا ءوسىپتى. حالىق سانى ازاماتتىق حال اكتىلەرىن تىركەۋ قۇجاتتارىندا، سونداي-اق، كوشى-قون پوليتسياسىنىڭ مالىمەتتەرىنە ساي ەسەپتەلگەن. ال، كەيبىر الەمدىك سايتتاردىڭ رەيتينگتەرىندە كوبىنە ورتاشا تۋ دەڭگەيى ەسەپكە الىنىپ، وزدەرىنىڭ الگوريتمدەرىنە ساي دايىندالادى، دەپ اتاپ ءوتتى ءباسپاسوز حاتشىسى.
"قازاقستان حالقىنىڭ سانىن انىقتايتىن ەسەپتەۋىش بۇۇ-نىڭ مالىمەتتەرىنە سۇيەنە وتىرىپ، قازىر ەلىمىزدە 18 ملن حالىق تۇراتىنىن كورسەتكەن. بىراق، رەسمي ستاتيستيكاعا جۇگىنسەك، حالىق سانى ءالى 18 ميلليونعا جەتكەن جوق. ازىرشە، 1 اقپان بويىنشا ەلىمىزدەگى حالىق سانى 17 ميلليون 945 مىڭ شاماسىندا. اللا جازسا، 18 ميلليونىنشى قازاقستاندىق ءساۋىر ايىندا دۇنيەگە كەلەدى دەپ كۇتىلەدى", - دەپ حابارلادى.
"ادىرنا." كز
