Qazaqstanda säuırde 18 millionynşy tūrǧyn düniege keledı. Būl boljam Ūlttyq ekonomika ministrlıgı Statistika komitetınıŋ esebı boiynşa şyǧyp otyr, - dep habarlaidy "Ūlt aqparat" ministrlıktıŋ baspasöz hatşysy Samal İbraevaǧa sılteme jasap.
Ūlttyq ekonomika ministrlıgı Statistika komitetınıŋ esebı boiynşa, qazır qazaqstandyqtardyŋ naqty sany - 17 million 945 myŋ 300 adam. "2017 jyldyŋ 1 aqpanyndaǧy jaǧdaiǧa säikes, Qazaqstan halqynyŋ sany - 17 mln 945 myŋ 300 adam. Onyŋ ışınde, 10 mln 305 myŋ 700 adam - qalada, 7 million 639 myŋ 600 adam auylda tūrady. Halyqtyŋ 48,4 paiyzy - er azamattar, 51,6 paiyzy - äiel azamattar", - dep habarlady ministrlıktıŋ baspasöz hatşysy Samal İbraeva.
Onyŋ aituynşa, 2016 jyldyŋ 1 aqpanynan berı halyq sany 231 myŋ 500 adamǧa nemese 1,3 paiyzǧa ösıptı. Halyq sany azamattyq hal aktılerın tırkeu qūjattarynda, sondai-aq, köşı-qon polisiiasynyŋ mälımetterıne sai eseptelgen. Al, keibır älemdık saittardyŋ reitingterınde köbıne ortaşa tuu deŋgeiı esepke alynyp, özderınıŋ algoritmderıne sai daiyndalady, dep atap öttı baspasöz hatşysy.
"Qazaqstan halqynyŋ sanyn anyqtaityn esepteuış BŪŪ-nyŋ mälımetterıne süiene otyryp, qazır elımızde 18 mln halyq tūratynyn körsetken. Bıraq, resmi statistikaǧa jügınsek, halyq sany älı 18 millionǧa jetken joq. Äzırşe, 1 aqpan boiynşa elımızdegı halyq sany 17 million 945 myŋ şamasynda. Alla jazsa, 18 millionynşy qazaqstandyq säuır aiynda düniege keledı dep kütıledı", - dep habarlady.
"Adyrna." kz
