ابحازيادا 40 جاستاعى رەسەيلىك بلوگەر ۆيتالي ۆىگرانوۆسكي قايتىس بولدى. ول ەكسپەريمەنت ءۇشىن 40 كۇندىك اشتىق جاريالاۋعا شەشىم قابىلداعان، دەپ حابارلايدى “ادىرنا” ۇلتتىق پورتالى.
لەنتا.رۋ سايتىنىڭ مالىمەتىنشە، ۆىگرانوۆسكي YouTube-تە بلوگ جۇرگىزگەن، وندا ول ءوزىن-ءوزى سىناپ كورۋدى كوپتەن بەرى جوسپارلاپ جۇرگەنىن جانە 40 كۇن بويى سۋسىز، تاماقسىز جۇرەتىنىن ايتقان.
بۇل ەكسپەريمەنتتى باستاپقىدا ول ناۋرىز ايىنىڭ ورتاسىندا ماسكەۋدە جۇرگەندە باستاعان. بىراق ەكپەريمەنتتىڭ ونىنشى كۇنىنە كەلگەندە ول ابحازياعا كوشۋگە شەشىم قابىلدادى. ويتكەنى قالا اتموسفەراسى جاقپاعان.
جيىرماسىنشى كۇنى بلوگەر «تولىقتاي تازارۋدى سەزىنگەن»، بىراق ونىڭ سالماعى كۇرت ارىقتاپ، بۇلشىق ەتتەرى وزگەرگەنىن بايقادى.
اشتىقتان ول تەك جۇرۋدەن باسقا ەشتەڭە ىستەي المادى، سەبەبى باسقا ىسپەن اينالىسۋعا كۇشى قالمادى. سودان كەيىن ونىڭ تەمپەراتۋراسى كوتەرىلىپ، 35-ءشى كۇنى ول ءولىم كۇيىن سەزىنگەن. بىراق سودان كەيىن دە بلوگەر اشتىقتى توقتاتپادى.
ۆيتالي ۆىگرانوۆسكي ۆكونتاكتەدە جانە Youtube-تە شيكى تاعامدىق ديەتا تۋرالى بلوگ جۇرگىزگەن. جازىلۋشىلار ءۆيتاليدىڭ «گليسسون ىلمەگىندە» جاتتىعۋلارىن جاساعىسى كەلگەندىكتەن قايتىس بولعانىن، الايدا اشتىقتان وتە السىرەگەندىكتەن، ونىڭ ۇيقى ارتەريالارى قىسىلىپ قالعانىن اتاپ ءوتتى. بىراق بۇل اقپاراتتىڭ رەسمي راستاماسى جوق.
“ادىرنا” ۇلتتىق پورتالى
