Abhazııada 40 jastaǵy reseılik bloger Vıtalıı Vygranovskıı qaıtys boldy. Ol eksperıment úshin 40 kúndik ashtyq jarııalaýǵa sheshim qabyldaǵan, dep habarlaıdy “Adyrna” ulttyq portaly.
Lenta.rý saıtynyń málimetinshe, Vygranovskıı YouTube-te blog júrgizgen, onda ol ózin-ózi synap kórýdi kópten beri josparlap júrgenin jáne 40 kún boıy sýsyz, tamaqsyz júretinin aıtqan.
Bul eksperımentti bastapqyda ol naýryz aıynyń ortasynda Máskeýde júrgende bastaǵan. Biraq ekperımenttiń onynshy kúnine kelgende ol Abhazııaǵa kóshýge sheshim qabyldady. Óıtkeni qala atmosferasy jaqpaǵan.
Jıyrmasynshy kúni bloger «tolyqtaı tazarýdy sezingen», biraq onyń salmaǵy kúrt aryqtap, bulshyq etteri ózgergenin baıqady.
Ashtyqtan ol tek júrýden basqa eshteńe isteı almady, sebebi basqa ispen aınalysýǵa kúshi qalmady. Sodan keıin onyń temperatýrasy kóterilip, 35-shi kúni ol ólim kúıin sezingen. Biraq sodan keıin de bloger ashtyqty toqtatpady.
Vıtalıı Vygranovskıı VKontaktede jáne Youtube-te shıki taǵamdyq dıeta týraly blog júrgizgen. Jazylýshylar Vıtalııdiń «Glısson ilmeginde» jattyǵýlaryn jasaǵysy kelgendikten qaıtys bolǵanyn, alaıda ashtyqtan óte álsiregendikten, onyń uıqy arterııalary qysylyp qalǵanyn atap ótti. Biraq bul aqparattyń resmı rastamasy joq.
“Adyrna” ulttyq portaly
