دەنساۋلىق ساقتاۋ مينيسترلىگى ۆەدومستۆو باسشىسى وزىنە 15 ميلليون تەڭگە كولەمىندە سىياقى جازدىرعان دەگەن اقپاراتقا قاتىستى تۇسىنىكتەمە بەردى. مينيسترلىك دەپۋتات ازات پەرۋاشەۆتىڭ مالىمدەمەسىنەن كەيىن ءۇن قاتتى.
ۆەدومستۆو «ايتىلعان فاكتىنىڭ دەنساۋلىق ساقتاۋ مينيسترلىگىنە قاتىسى جوق» دەپ مالىمدەدى، دەپ حابارلايدى «ادىرنا» ۇلتتىق پورتالى Sputnik قازاقستان سايتىنا سىلتەمە جاساپ.
«سىياقى تولەمدەرى قاتاڭ تۇردە قولدانىستاعى زاڭناما تالاپتارىنا سايكەس، اتاپ ايتقاندا، «قازاقستان ورگاندارىنىڭ قىزمەتكەرلەرىنە سىيلىق بەرۋ، ماتەريالدىق كومەك كورسەتۋ جانە لاۋازىمدىق جالاقىلارىنا ۇستەمەاقىلار بەلگىلەۋ تۋرالى» ۇكىمەتتىڭ 2001 جىلدىڭ 29 تامىزىنداعى №1127 قاۋلىسىنا سايكەس جۇرگىزىلەدى. وسىعان بايلانىستى 15 ميلليون تەڭگە مولشەرىندە تولەنگەن سىياقىعا قاتىستى اقپارات شىندىققا جاناسپايتىنىن حابارلايمىز»، - دەپ مالىمدەدى ۆەدومستۆو.
بۇعان دەيىن دەپۋتات ازات پەرۋاشەۆ دەنساۋلىق ساقتاۋ مينيسترلىگىنە سىن ايتىپ، كەيبىر شەنەۋنىكتىڭ وزىنە 15 ميلليون تەڭگە كولەمىندە سىياقى جازىپ العانىن مالىمدەدى. الايدا دەپۋتات بۇل ءسوزىن قاي ۆەدومستۆوعا قاراتىپ ايتقانىن ناقتىلامادى. ال ونىڭ الدىندا قازاقستاندىقتار ءبىلىم جانە عىلىم ءمينيسترىنىڭ ميلليونداعان سىياقى العانى تۋرالى اقپاراتتى تالقىلادى.
قوعام بەلسەندىلەرى شەنەۋنىكتەردى قولدادى
بەلگىلى ەكونوميست ولجاس قۇدايبەرگەنوۆ Facebook پاراقشاسىندا كەي مينيسترلىكتە 36 ايلىق ەسەبىندە سىياقى جازىپ الاتىندارىن ايتتى.
«قاراپايىم ازاماتتاردىڭ جالاقىسىمەن سالىستىرعاندا بۇل ۇلكەن سوما شىعار، بىراق شىن مانىندە بۇل كوپ اقشا ەمەس. مينيسترلەردىڭ جالاقىسى 800-900 مىڭ تەڭگە شاماسىندا، ال ۆيتسە-مينيسترلەردىڭ جالاقىسى 500-600 مىڭ تەڭگە. بۇل كۆازيمەملەكەتتىك جانە جەكە سەكتورمەن سالىستىرعاندا تومەن جالاقى»، - دەپ پىكىر ءبىلدىردى پرەزيدەنتتىڭ ەكس-كەڭەسشىسى.
ولجاس قۇدايبەرەگەنوۆ قازىر ساپالى ماماندار ايىنا بەس ميلليون تەڭگەگە دەيىن جالاقى الادى دەگەن پىكىر ايتتى. سوندىقتان شەنەۋنىكتەردە مەملەكەتتىك قىزمەتتەگى ماڭىزدى باعىتتارعا قاجەتتى مامانداردى تارتۋدا قيىندىقتار تۋىندايدى.
"ادىرنا" ۇلتتىق پورتالى
