قازاقستاندىق اۆياتسيالىق يندۋستريا جشس (KAI جشس) بازاسىندا اسكەري ماقساتتاعى ۇشقىشسىز اۋە جۇيەلەرىن قۇراستىرۋ بويىنشا كاسىپورىننىڭ جانە وسى ۇشاقتارعا قىزمەت كورسەتۋ ورتالىعىنىڭ اشىلۋ سالتاناتى ءوتتى. بۇل تۋرالى قر يندۋستريا جانە ينفراقۇرىلىمدى دامىتۋ مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى "ادىرنا" ۇلتتىق پورتالى.
سيمۆوليكالىق قىزىل لەنتانى قازاقستان قارۋلى كۇشتەرى قۇرلىق اسكەرلەرى باس قولباسشىسىنىڭ ورىنباسارى گەنەرال-مايور الەكساندر اشيروۆ كەسىپ، رەسپۋبليكا قارۋلى كۇشتەرىنىڭ قورعانىس قابىلەتىن ارتتىرا الاتىن جاڭا ءوندىرىستى ىسكە قوستى.
SKYLARK 1-LEX پيلوتسىز ۇشاق مودەلى - بۇل 3 ساعاتتىق ۇشۋ كەزىندە تاۋلىكتىڭ كەز-كەلگەن ۋاقىتىندا ناقتى ۋاقىت رەجيمىندە جوعارى ساپالى بەينە دەرەكتەرىن ۇسىنۋ ءۇشىن 40 كم بيىكتىكتەن كورىنەتىن دياپازونداعى ارميا ءموبيلدى بولىمدەرى تالاپ ەتەتىن وتە ءتيىمدى قۇرال.
مۇنداي قۇرال ءوزىنىڭ تيىمدىلىگىن كورسەتىپ، الەمنىڭ 25 ەلىندە قولدانىلادى. سونىمەن قاتار، دروننىڭ ۇشۋ ساعاتتارىنىڭ سانى 100 مىڭنان اسادى.
ەسكە سالايىق، SKYALRK-1LEX-ءتى يزرايلدىك Elbit Systems Ltd كومپانياسى جاساعان جانە 2014 جىلدان باستاپ قازاقستان ارمياسىندا ءتيىمدى قولدانىلىپ كەلەدى.
اشىلۋ سالتاناتىنا يندۋستريا جانە ينفراقۇرىلىمدىق دامۋ مينيسترلىگىنىڭ، «قازاقستان ينجينيرينگ» ۇلتتىق كومپانياسىنىڭ، ۇلتتىق قورعانىس ۋنيۆەرسيتەتىنىڭ وكىلدەرى، سونداي-اق ءارتۇرلى اسكەر تۇرلەرىنىڭ اسكەري قىزمەتشىلەرى قاتىستى.
"ادىرنا" ۇلتتىق پورتالى
(فوتو اشىق دەرەككوزدەن)
