ەلباسى ن.نازارباەۆ قازاقستاندىقتاردى ورازا ايت مەيرامىمەن قۇتتىقتادى، دەپ حابارلايدى "ادىرنا" ۇلتتىق پورتالى.
قۇتتىقتاۋ ەلباسىنىڭ رەسمي سايتىندا جاريالانعان بولاتىن.
قۇرمەتتى وتانداستار!
سىزدەردى ورازا ايت مەيرامىمەن شىن جۇرەكتەن قۇتتىقتايمىن!
ۇلىق مەرەكە ءاربىر شاڭىراققا شاتتىق، جاقسىلىق پەن مولشىلىق اكەلسىن.
ورازا ايت – بەيبىتشىلىك پەن بىرلىككە ۇندەيتىن يسلامنىڭ سان عاسىرلىق قاستەرلى داستۇرلەرىنىڭ سيمۆولى.
مەيىرىمدىلىك، رۋحاني تازارۋ، ىزگى ىستەر جاساۋ – بارلىق ۇلت پەن ءدىن وكىلدەرىنە ءتان قاسيەت. قازاقستان حالقىن وسى قۇندىلىقتار ۇيىستىرادى. سوندىقتان دا ورازا ايت شىن مانىسىندە بارشا قازاقستاندىقتاردى بىرىكتىرەتىن مەرەكە بولىپ سانالادى.
ءوزارا سىيلاستىق پەن كەلىسىمگە نەگىزدەلگەن وسى يگى داستۇرلەردى بارىنشا نىعايتا بەرۋگە شاقىرامىن.
ورازا ايت مەيرامىندا بارشاڭىزعا زور دەنساۋلىق پەن باق-بەرەكە تىلەيمىن!
ايت قابىل بولسىن!
"ادىرنا" ۇلتتىق پورتالى
