الەۋمەتتىك جەلىدە پالەستينا مەن سيريا قالالارىنداعى بومبالاۋ ارەكەتتەرىنەن زارداپ شەككەن جۇرتقا كومەك كورسەتۋ ماقساتىندا قور اشىلعانى ايتىلدى، دەپ جازادى «ادىرنا» ءتىلشىسى.
گازا مەن يدليب قالالارىنىڭ تۇرعىندارىنا كومەك قورىنىڭ اشىلعانى تۋرالى اقپاراتتى Facebook الەۋمەتتىك جەلىسىندە اربات.مەديا اقپارات باسلىمىنىڭ رەداكتورى سىرىم يتقۇلوۆ ءبولىستى.
جازبادا يسلامي بلوگەر ەلميرا بەيسەمباەۆانىڭ بەلگىسىز بىرەۋگە پالەستيناعا كومەك قاراجاتى دەپ 5221 دوللار كولەمىندەگى سومانى اۋدارعانى كورسەتىلگەن. سونداي-اق elya_bey-ءدىڭ ستوريسىندە قورعا قاراجات جيناۋشى تەولوگ، رانت (رەسپۋبليكالىق اقپاراتتىق-ناسيحات توبى) مۇشەسى، ۇستاز باۋىرجان وتارباەۆتىڭ اككاۋنتىن بەلگىلەپ كورسەتىلگەنى سالىنعان.
باۋىرجان وتارباەۆ ينستاگرام پاراقشاسىندا دا ءوزىنىڭ رەكۆيزيتتەرى كورسەتىلگەن «ۋلفا» قايىرىمدىلىق قورى جايلى اقپاراتىمەن ءبولىسىپتى. ودان بولەك اتالعان پاراقشادا ليۆيا، سيريا ەلدەرىنە دەپ بۇرىن اشىلعان قور رەكۆيزيتتەرىنىڭ بىرنەشە سۋرەتتەرى تۇرعانىن بايقاۋعا بولادى.
الايدا بىرنەشە ۋاقىتتان دەيىن جازبانىڭ قور جەتەكشىسىنىڭ پاراقشاسىنان دا، ونى قولداپ بولىسكەن بلوگەرلەردىڭ ستوريستەرىنەن دە ءوشىپ كەتكەنى بايقالدى. قور ماقساتى مەن قاراجاتىنىڭ ناقتى قايدا اۋدارىلعانى تۋرالى بىلمەك نيەتتە حابارلاسقان تەلەفون ءنومىرى ءسوندىرۋلى بولدى. جازعان حابارلاماعا ۆاليۋتالىق ەرەكشەلىكتەرگە سايكەس حالىقارالىق اقشا اۋدارۋ ەسەپشوتتارىن جىبەردى. وندا اۋدارىم تۇركيا بانكى ارقىلى جاسالاتىنى كورسەتىلدى.
جەلىدە تاراعان اقپاراتقا الەۋمەتتىك جەلى قولدانۋشىلارى ءتۇرلى پىكىر قالدىرۋدا. Facebook بەلسەندىسى گۇلميرا سارباسوۆا اتالعان جايتقا قاتىستى حاماس-تى قولدايتىندارعا قاتىستى ەلىمىزدە شارا قولدانىلۋ كەرەك دەپ ءبولىستى:
«ءدىني سانانىڭ راديكالدانۋىنا بايلانىستى قازاقستاندا حاماس-تى قولداۋعا ەرىكتى قايىرىمدىلىقتان 6 مىڭ دوللارعا جۋىق قاراجات جينالعان. بۇگىن حاماستى قولدايتىندار الەمنىڭ كەز كەلگەن جەرىندە اگرەسسيا مەن زورلىق-زومبىلىقتى مويىنداپ، ونى جيھاد دەپ اتايدى. بۇل ءوز ەلىندە، قازاقستاندا رۇقسات ەتەدى دەگەن ءسوز! قازاقستاندىقتاردىڭ، اسىرەسە، جاستاردىڭ ءوز قاتارلارىنا كۇندەلىكتى الىنۋىن توقتاتا الاتىن الدىن الۋ شارالارى جاسالاۋى ءتيىس، كورىپ تۇرىپ قالاي ءۇنسىز قالۋعا بولادى؟!» دەدى ول.
جەلىدە جينالعان سومانىڭ ناقتى قايدا تۇسكەنى، كىمدەردىڭ قاراجات جيناپ، كىمدى قارجىلاندىرىپ جاتقانىن تالقىلاعان جۇرتتىڭ جازباسى كوپ. سەبەپ، قور ۇيىمداستىرۋشىلارىنىڭ دالەلدى فوتوەسەپتەرىنىڭ بولماۋىندا دەپ جازۋدا جۇرت.
«6 مىڭ دوللار پۇاز (پالەستينا ۇلتتىق ازاتتىق قوزعالىسى) شوتتارىنا نەمەسە كانادا، ەۋروپالىق وداق، يزرايل، جاپونيا، اقش جانە ساۋد ارابياسى لاڭكەستىك ۇيىم دەپ جاريالاعان حاماسقا تىكەلەي تۇسەدى. حالقىمىز بۇل قارجىنىڭ قازىر سوعىستان زارداپ شەگىپ وتىرعان قاراپايىم تۇرعىندارعا جەتپەيتىنىن تۇسىنبەي مە؟ تەرروريزمدى قارجىلاندىرعانى ءۇشىن سانكتسيالار ەرتەڭ بىزگە كەلمەسىن»، «ءوز ەلىمىزدە اش، جالاڭاش قانشا حالىق بار، نەگە سولارعا كومەكتەسپەسكە؟»، «كەرەمەت قوزعالىس. ادامداردى ءتىرى قالقان رەتىندە پايدالاناتىنداردى قارجىلاندىرۋ يدەياسىن ويلاپ تابۋ - بۇل شىن مانىندە كۇشتى قادام» دەپ جازۋدا جەلىدەگى پىكىر يەلەرى.
ايتا كەتەيىك، حاماس قازاقستاندا تىيىم سالىنعان "مۇسىلمان باۋىرلار" (ال-يحۆان ال-مۋسليمۋن) ۇيىمىنا قاراستى قۇرىلىم دەلىنەدى.
دينا ليتپين،
"ادىرنا" ۇلتتىق پورتالى
