شۆەيتساريا كونستيتۋتسياسىنا بەتتى جاۋىپ تۇراتىن كيىم كيۋگە تىيىم سالاتىن زاڭ ەنگىزىلەتىن بولدى. جەكسەنبى كۇنى وتكىزىلگەن رەفەرەندۋم بارىسىندا حالىقتىڭ باسىم بولىگى زاڭدى قولداعان. رەفەرەندۋمدا حالىقتىڭ 51,21 پايىزى زاڭدى قولداسا، 48,7 پايىز حالىق قارسى بولعان. جالپى رەفەرەندۋمعا ەل حالقىنىڭ 51,4 پايىزى قاتىسقان.
ەندى شۆەيتساريالىق مۇسىلماندارعا حيدجاب، نيكاب، ءپارانجا كيۋگە بولمايدى. سونداي-اق فۋتبول فاناتتارى تاعاتىن بەتتى بۇركەمەلەيتىن ءتۇرلى كيىمدەرگە دە تىيىم سالىنعان.
رەفەرەندۋمدا ەلەكتروندى تولقۇجات ەنگىزۋ ماسەلەسى دە كوتەرىلدى. الايدا حالىق ول ۇسىنىستى قولدامادى.
بەتتى بۇركەمەلەيتىن كيىمدەرگە تىيىم سالۋ زاڭى شۆەيتساريادا ۇلكەن تالاس-تارتىس تۋىنداتۋدا. اسىرەسە مۇسىلماندار اراسىندا. كوپشىلىك "بۇل ءدىن ۇستانۋ ەركىندىگىنە قاراما-قايشى" دەيدى.
اسحات قاسەنعالي،
«ادىرنا» ۇلتتىق پورتالى
