قازاقستان پرەزيدەنتى قاسىم-جومارت توقاەۆ جەردى شەتەلدىكتەرگە ساتۋعا تىيىم سالاتىن زاڭعا قول قويدى، دەپ حابارلايدى "ادىرنا" ۇلتتىق پورتالى اقورداعا سىلتەمە جاساپ.
"مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى", - دەلىنگەن اقوردا حابارلاماسىندا.
زاڭ ءماتىنى كەيىنىرەك باسپا تۇرىندە جاريالانادى.
بۇعان دەيىن پارلامەنت اۋىلشارۋاشىلىق جەرلەرىن شەتەلدىكتەرگە، وبليگاتسيالارعا جانە شەتەلدىك زاڭدى تۇلعالارعا يەلىك ەتۋگە تىيىم سالاتىن زاڭ قابىلدادى.
زاڭ جوباسىنىڭ ماقساتى - شەتەلدىكتەردىڭ، ازاماتتىعى جوق ادامداردىڭ، شەتەلدىك زاڭدى تۇلعالاردىڭ، شەتەلدىك قاتىسۋى بار قازاقستاننىڭ زاڭدى تۇلعالارىنىڭ، حالىقارالىق ۇيىمداردىڭ، حالىقارالىق قاتىسۋى بار عىلىمي ورتالىقتاردىڭ، سونداي-اق قانداستاردىڭ اۋىل شارۋاشىلىعى ماقساتىنداعى جەر ۋچاسكەلەرىن جەكە مەنشىك قۇقىعىمەن جانە ۋاقىتشا جەر پايدالانۋ قۇقىعىمەن يەلەنۋىنە تىيىم سالۋدى ەنگىزۋ.
سونىمەن قاتار، زاڭ جوباسىندا قازاقستان ازاماتتىعى توقتاتىلعان جانە شەتەلدىك ازاماتتار مەن زاڭدى تۇلعالار قازاقستاننىڭ زاڭدى تۇلعاسىنىڭ قاتىسۋشىلارى قۇرامىنا كىرگەن جاعدايلاردا اۋىل شارۋاشىلىعى ماقساتىنداعى جەرلەردى يەلىكتەن شىعارۋ ماسەلەلەرى رەتتەلدى.
توقاەۆ جاڭا زاڭنىڭ باستاماشىسى بولدى. ول قازاقستاندىق جەر شەتەلدىكتەرگە ساتىلۋى مۇمكىن دەگەن قاۋەسەتتى توقتاتۋ ءۇشىن بۇل ماسەلەنى شۇعىل شەشۋدى تاپسىردى.
"ادىرنا" ۇلتتىق پورتالى
