يزرايل اسكەريلەرى گازا سەكتورىنداعى حاماس قوزعالىسىنىڭ اسكەري باسشىلارىنىڭ ۇيلەرىنە شابۋىل جاسادى. بۇل تۋرالى ارميانىڭ ءباسپاسوز قىزمەتى حابارلادى، دەپ حابارلايدى "ادىرنا" ۇلتتىق پورتالى Life.ru-عا سىلتەمە جاساپ.
حاماس ال-فاركاين باتالونىنىڭ كومانديرى حالەد مانامارا مەن ارنايى وپەراتسيالار شتابىنىڭ باستىعى رەيد ساادتىڭ ۇيلەرى قيراتىلدى دەپ حابارلاندى. شابۋىلدى جاۋىنگەرلەر جاسادى.
بۇعان دەيىن يزرايل اسكەري-اۋە كۇشتەرى گازا سەكتورىنداعى حاماس ساياسي بيۋروسى باستىعىنىڭ ورىنباسارى حاليل ءال-ءحايدىڭ ۇيىنە شابۋىل جاساعان.
ەسكە سالا كەتەيىك، 15 مامىردا يزرايل گازاداعى حالىقارالىق بۇقارالىق اقپارات قۇرالدارىنىڭ كەڭسەلەرى بار عيماراتتى قيراتتى. وسىعان بايلانىستى اق ءۇي تاۋەلسىز باق-تاعى جۋرناليستەر قاۋىپسىزدىگىن قامتاماسىز ەتۋ يزرايل تاراپىنىڭ باستى مىندەتى ەكەنىن ەسكە سالىپ، يزرايلگە بەت بۇردى.
"ادىرنا" ۇلتتىق پورتالى
ۇقساس جاڭالىقتار
