الماتىدا ءال-فارابي داڭعىلى جابىلماق

3032
Adyrna.kz Telegram

الماتىدا ءال-فارابي داڭعىلىنىڭ ءبىر بولىگى 10 كۇنگە جابىق بولادى،  دەپ حابارلايدى "ادىرنا" ۇلتتىق پورتالى.

قالالىق موبيلدىلىك باسقارماسىنىڭ حابارلاۋىنشا، كوشە دوستىق داڭعىلىنان جاربۇلاق وزەنىنە دەيىن جارتىلاي جابىلادى. بۇل ۋچاسكەدەگى كولىك قوزعالىسىنا شەكتەۋ 2021 جىلدىڭ 1 ماۋسىمى مەن 10 ماۋسىمى ارالىعىندا كۇشىنە ەنەدى. سەبەپ، ءال-فارابي داڭعىلى ءاسفالتىنىڭ اۋىستىرىلۋىنا بايلانىستى.

«قۇرمەتتى الماتى قالاسىنىڭ تۇرعىندارى! ءال-فارابي داڭعىلى بويىمەن دوستىق داڭعىلىنان جاربۇلاق وزەنىنە (تەررەنكۇر) دەيىن جۇرەتىن بولىكتىڭ بۇكىل ەنى بويىمەن جول توسەمەسىن اۋىستىرۋ ارقىلى جوندەۋ جۇمىستارى ال-فارابي داڭعىلى بويىمەن ەكى باعىتتا دا جۇرەدى. سول سەبەپتى 2021 جىلدىڭ 1 ماۋسىمىنان 10 ماۋسىمىنا دەيىن كۇندىز جانە تۇندە ءىشىنارا كوشە جولدارى جابىق بولادى. تۋىنداعان قولايسىزدىقتار ءۇشىن كەشىرىم سۇرايمىز جانە بۇل ايماقپەن جۇرەتىن ساپارلاردى ۇيىمداستىرماۋلارىڭىزدى وتىنەمىز»، - دەلىنگەن حابارلامادا.

ءال-فارابي داڭعىلىنىڭ جوندەۋ جۇمىستارى جۇرگىزىلەتىن بولىگى (قىزىل تۇسپەن كورسەتىلگەن)

"ادىرنا" ۇلتتىق پورتالى

پىكىرلەر