اقمولا وبلىسىندا زەينەتكەردىڭ ءبىر ميلليونعا جۋىق اقشاسىن نەمەرەسى بۋكمەكەرلىك كەڭسەگە ويىنعا "تىگىپ" جىبەرگەن دەپ حابارلايدى "ادىرنا" ۇلتتىق پورتالى Polisia.kz-كە سىلتەمە جاساپ.
اقكول اۋدانى ەڭبەك اۋىلىنىڭ 70 جاستاعى تۇرعىنى اعىمداعى جىلدىڭ 16 ناۋرىزى مەن 11 مامىرى ارالىعىندا بەلگىسىز ادامدار ونىڭ بانكتىك شوتىنان 848 مىڭ تەڭگە كولەمىندە اقشا قاراجاتىن ۇرلاعانى تۋرالى وتىنىشپەن پوليتسياعا جۇگىنگەن. زەينەتكەر بانكوماتتان قولما-قول اقشا العىسى كەلگەن، بىراق شوتتا اقشا جوق ەكەنىن بىلگەندە قاتتى تاڭ قالعان. بانك اقشا بۋكمەكەرلىك كەڭسەنىڭ شوتىنا اۋدارىلعانىن حابارلادى.
پوليتسەيلەر قر قك 188-بابى (ۇرلىق) بويىنشا سوتقا دەيىنگى ءىستى باستادى. اڭگىمە بارىسىندا پوليتسەيلەر زارداپ شەگۋشىنىڭ نەمەرەلەرىنىڭ بانك كارتاسىنا قول جەتىمدىلىگى بولعانىن انىقتادى.
جاس جىگىت بۇل ارەكەتىن مويىندادى. نەمەرەسى بانك كارتاسى "بايلانعان" اجەسىنىڭ ۇيالى تەلەفونىن پايدالانىپ، ستاۆكالار جاساپ، بۇل تۋرالى حابارلاماي، اقشا اۋدارعانى بەلگىلى بولدى. ال وپەراتسيالاردى راستاۋ كودتارى بار حابارلامالار جويىلعان.
اقمولا پوليتسەيلەرى ەشقانداي جاعدايدا كارتانى سۋرەتكە تۇسىرە الاتىن نەمەسە ودان اقپاراتتى وزگە تاسىلمەن كوشىرە الاتىن ءۇشىنشى تۇلعالاردىڭ قولىنا بەرۋگە بولمايتىندىعى تۋرالى ەسكەرتەدى. كۇدىكتى ەسەپتەن شىعارۋدى جىبەرىپ الماۋ ءۇشىن ترانزاكتسيالار تۋرالى SMS-حابارلامانى قوسىڭىز. بانك كارتالارىنىڭ پين-كودتارىن ەشكىمگە ايتپاڭىز. وزىڭىزبەن بىرگە الىپ جۇرەتىن جانە كۇندەلىكتى شىعىندار ءۇشىن پايدالاناتىن كارتادا ۇلكەن اقشانى ساقتاماڭىز. قاجەت بولسا، نەگىزگى شوتتان نەمەسە دەپوزيتتەن اۋدارىم جاساعان دۇرىس.
"ادىرنا" ۇلتتىق پورتالى.
