قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى قىزىل كىتاپقا ەنگەن قۇستى اتۋعا رۇقسات ەتۋ قۇجاتىن دايىندادى، دەپ حابارلايدى «ادىرنا» ۇلتتىق پورتالى.
قۇجات جوباسى بويىنشا 2021 جىلدىڭ 1 قىركۇيەگى مەن 15 قاراشاسى ارالىعىندا:
شەيح حاليفا بين زايد ءال ناحايانعا تۇركىستان وبلىسى، ارىس جانە قاراقتاۋ مەملەكەتتىك قورعالاتىن ايماقتارىنداعى 97 دۋاداق پەن جامبىل، قىزىلوردا جانە تۇركىستان وبلىستارىنداعى 99 دۋاداقتى;
شەيح سۋرۋر بين موحاممەد ءال ناحايانعا ماڭعىستاۋ وبلىسىنداعى رەسپۋبليكالىق ماڭىزى بار كەندىرلى-كاياسان مەملەكەتتىك قورىق زوناسى اۋماعىنداعى 52 دۋاداقتى;
شەيح سەيف بين مۇحاممەد ءال ناحايانعا ماڭعىستاۋ وبلىسىنداعى رەسپۋبليكالىق ماڭىزى بار كەندىرلى-كاياسان مەملەكەتتىك قورعالاتىن ايماعى اۋماعىنداعى 51 دۋاداقتى;
شەيح دجاسەم بين حاماد بين حاليفا ءال تانيعا جامبىل وبلىسىنداعى رەسپۋبليكالىق ماڭىزى بار انداساي مەملەكەتتىك تابيعي رەزەرۆاتىنىڭ اۋماعىنداعى 34 دۋاداق جانە رەسپۋبليكانىڭ جۋساندالا مەملەكەتتىك قورعالاتىن ايماعى اۋماعىنداعى 80 دۋاداقتى اۋلاۋعا رۇقسات ەتىلەدى.
بۇل رەتتە دۋاداقتىڭ بىرەۋىن ۇستاعانى ءۇشىن تولەم 758 420 تەڭگە (260 ايلىق ەسەپتىك كورسەتكىش) دەڭگەيىندە بەلگىلەندى.
"ادىرنا" ۇلتتىق پورتالى
