Qazaqstan Respýblıkasy Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti Qyzyl kitapqa engen qusty atýǵa ruqsat etý qujatyn daıyndady, dep habarlaıdy «Adyrna» ulttyq portaly.
Qujat jobasy boıynsha 2021 jyldyń 1 qyrkúıegi men 15 qarashasy aralyǵynda:
Sheıh Halıfa Bın Zaıd Ál Nahaıanǵa Túrkistan oblysy, Arys jáne Qaraqtaý memlekettik qorǵalatyn aımaqtaryndaǵy 97 dýadaq pen Jambyl, Qyzylorda jáne Túrkistan oblystaryndaǵy 99 dýadaqty;
Sheıh Sýrýr Bın Mohammed Ál Nahaıanǵa Mańǵystaý oblysyndaǵy respýblıkalyq mańyzy bar Kendirli-Kaıasan memlekettik qoryq zonasy aýmaǵyndaǵy 52 dýadaqty;
Sheıh Seıf Bın Muhammed Ál Nahaıanǵa Mańǵystaý oblysyndaǵy respýblıkalyq mańyzy bar Kendirli-Kaıasan memlekettik qorǵalatyn aımaǵy aýmaǵyndaǵy 51 dýadaqty;
Sheıh Djasem Bın Hamad Bın Halıfa Ál Tanıǵa Jambyl oblysyndaǵy respýblıkalyq mańyzy bar Andasaı memlekettik tabıǵı rezervatynyń aýmaǵyndaǵy 34 dýadaq jáne respýblıkanyń Jýsandala memlekettik qorǵalatyn aımaǵy aýmaǵyndaǵy 80 dýadaqty aýlaýǵa ruqsat etiledi.
Bul rette dýadaqtyń bireýin ustaǵany úshin tólem 758 420 teńge (260 aılyq eseptik kórsetkish) deńgeıinde belgilendi.
"Adyrna" ulttyq portaly
