الەمدى ارالاۋ ءۇشىن كۇنىنە ءبىر دوللار جۇمساعان

2444
Adyrna.kz Telegram

فرانتسيادا زەينەتكەر ءومىر بويى كۇنىنە ءبىر دوللار جۇمساپ، 1955 جىلدان 2005 جىلعا دەيىن الەمنىڭ بارلىق ەلىن ارالاعان دەپ حابارلايدى «ادىرنا» ۇلتتىق پورتالى Lenta.ru باسىلىمىنا سىلتەمە جاساپ.

جەرگىلىكتى Brut ونلاين باسىلىمى اتالعان ساياحاتشىمەن ۆيدەوسۇحبات جاساعان. سۇحبات كەزىندە فرانتسيانىڭ 83 جاستاعى تۇرعىنى اندرە بريۋجيرۋ (André Brugiroux) 17 جاسىندا جۇمىستان شىعىپ، شوتلاندياعا العاش رەت بارعانىن جانە سول كەزدە ۇزاق ساپارعا شىققانىن ايتتى. ول سول كەزدە قارجىلىق قيىندىقتارعا تاپ بولعانىن اتاپ ءوتتى، سوندىقتان كۇن سايىن ءبىر دوللاردان ارتىق جۇمساماۋ ەرەجەسىن قابىلداعان.

بريۋجيرۋ اۆتوستوپپەن جۇرگەن، قوناق ۇيلەردە توقتاماعان جانە مەيرامحانالاردان باس تارتقان. ماسەلەن،  تۋريست بۇگىنگە دەيىن الەمدەگى 251 ەلگە بارىپ، اۆتوستوپپەن 400 مىڭ شاقىرىمعا جۋىق جول جۇرگەن.

"ساپار بارىسىندا نە قىزىقتىردى؟ ادامنىڭ جان دۇنيەسى. ساياحات كەزىندە مەن ءارتۇرلى ەلدىڭ ازاماتتارىنا ءتۇرلى سۇراق قويدىم، الەمدى ولاردىڭ كوزىمەن كورگىم كەلدى. مەن ونى ءساتتى ورىندادىم", - دەپ ءبولىستى ساياحاتشى.

ول سول كەزدە قازىرگى زامانعى تۋريستەرگە قولجەتىمدى تەحنيكالىق مۇمكىندىكتەر جوق بولعانىن اتاپ ءوتتى.

"تەك قاعاز كارتاسى مەن كومپاس، سونىمەن قاتار ادامدارمەن تىكەلەي قارىم-قاتىناس جاساۋ، سۇراق قويۋ جانە سىپايى بولۋ ارقىلى وسىنشاما جول ءجۇردىم", - دەپ ەسكە الدى بريۋجيرۋ.

«ادىرنا» ۇلتتىق پورتالى

 

پىكىرلەر