توكيو-2020 وليمپيادا ويىندارىنا جولداما العان سپورتشىلاردىڭ ءتىزىمى جاريالاندى، دەپ حابارلايدى "ادىرنا" ۇلتتىق پورتالى.
ءتىزىم IWF حالىقارالىق اۋىر اتلەتيكا فەدەراتسياسىنىڭ سايتىندا جاريالانعان، دەپ حابارلايدى Olympic.kz.
قازاقستان اتىنان اۋىر اتلەتتەر زۋلفيا چينشانلو ايەلدەر اراسىندا 55 كەلىگە دەيىن، ال يگور سون 61 كەلىگە دەيىنگى سالماقتا ەرلەر اراسىندا قاتىسادى. ىرىكتەۋ كەزەڭىندەگى ونەر كورسەتۋ ناتيجەلەرى بويىنشا زۋلفيا چينشانلو 3628,3941 ۇپاي جيناپ، الەمدىك رەيتينگتىڭ ءتورتىنشى ساتىسىندا تۇر.
يگور سون 3015.0319 ۇپايمەن توعىزىنشى ورىندا. قازاقستاندىق اۋىر اتلەت ويىندارعا قۇرلىقتىق كۆوتا بويىنشا جولداما الدى.
حالىقارالىق اۋىر اتلەتيكا فەدەراتسياسىنىڭ شەشىمى بويىنشا 2008 جىلدان باستاپ 2020 جىلعا دەيىن دوپينگكە قارسى ەرەجەلەردى 20-دان استام رەت بۇزعان ەلدەر وسى سپورت تۇرىنەن توكيو وليمپياداسىنا ەكىدەن كوپ ەمەس سپورتشىنى ء(بىر ايەل جانە ءبىر ەر ادام) جىبەرە الادى. .
قازىرگى ۋاقىتتا قازاقستان قۇراماسىندا 26 سپورت تۇرىنەن 69 ليتسەنزيا بار.
"ادىرنا" ۇلتتىق پورتالى
