تۇركىستان وبلىسىندا كانالدان 6 جاسار بالانىڭ ءمايىتى تابىلدى، دەپ حابارلايدى «ادىرنا» ءتىلشىسى otyrar.kz-كە سىلتەمە جاساپ.
قايعىلى وقيعا كەلەس اۋدانى اباي اۋىلىندا ورىن العان. ءبۇلدىرشىن 13-ءشى ماۋسىم كۇنى كەشقۇرىم ۋاقىتتا بەلگىسىز جاعدايدا جوعالىپ كەتكەن.
كۋاگەرلەر 2015 جىلى تۋعان بالانى سوڭعى رەت كانال ماڭىندا ويناپ جۇرگەندە كورگەن ەكەن. 3 كۇنگە سوزىلعان ىزدەۋ ناتيجەسىندە قۇتقارۋشىلار بالانىڭ دەنەسىن وشاقتى كانالىنان تاۋىپ، ءمايىتتى سۋدان شىعاردى.
«اۋداندىق توتەنشە جاعداي بولىمىنە حابارلاسىپ، ارنايى سۋدان قۇتقارۋ جاساعى شاقىرتىلعان. 15 ماۋسىم كۇنى تاڭعى ساعات 9:45-تە بالانىڭ دەنەسى تابىلىپ، سۋدان شىعارىلعان. بۇگىنگى تاڭدا ورىن الىپ جاتقان جاعدايلاردىڭ نەگىزگى سەبەپتەرى – رۇقسات ەتىلمەگەن جەرلەردە شومىلۋ جانە بالالاردىڭ اتا-انانىڭ قاراۋىنسىز قالۋى»،— دەدى تۇركىستان وبلىستىق تجد ازاماتتىق قورعانىس باسقارماسىنىڭ باستىعى قانات قارابالاەۆ.
«ادىرنا» ۇلتتىق پورتالى
