قازاقتاردا مەكتەپ ديرەكتورىنىڭ حاتشىسىنا دەيىن ديكتاتور. قۇرىلىستا سكلادچيكتىڭ كومەكشىسىنە دەيىن ديكتاتور. انىقتاپ قارا، كەۋدەسى كەكىرەيىپ، ەكى تاناۋىنان بۋ شىعىپ تۇرادى.
گەنپودرياد كومپانيادا ىستەيتىن جاپ جاس جىگىتتەر بار، قوقىرايعان ديكتاتور. مىناۋىڭ دۇرىس ەمەس دەپ كورشى، باسى بۇتىنا جەتىپ، جوعارىعا شاعىمدانىپ، كوكتەنىپ، سازارىپ، قارا تىزىمگە العىزادى. كۇلىپ تۇرىپ، پىشاق سالادى.
وسىعان قاراپ اناليزدەپ كورسەم، بىزگە كىم كەلسە دە ديكتاتور بولادى. ديكتاتور بولماسا، ءوزىمىز جابىلىپ، ءتۇتىپ، تيرانعا اينالدىرامىز. جالپى قوعامدىق سانا مەن مادەنيەتتى قالىپتاستىرماي، ءبىز ديكتاتورلىقتان قۇتىلمايمىز. ءوزىمىز دە ديكتاتورمىز، ءوزىمىزدى باسقاراتىندار دا ديكتاتور بولادى. جۋىق ارادا قازاقتار ديكتاتورلاردان قۇتىلمايدى. ءار ادام ءوزىن ءوزى سىيلاپ ۇيرەنبەيىنشە، دۇرىس قوعام قالىپتاستىرۋ مۇمكىن ەمەس. بۇعان ءالى تالاي كۋا بولامىز.
وسى قوعامنىڭ كەيپىن ايتساڭ، سەنەن جامان ادام جوق.
بىزگە ەڭ كەمى 50 جىل كەرەك. ونىڭ وزىندە قوعامدىق وركەنيەتتى سانانى قالىپتاستىرا الساق. قالىپتاستىرا الماساق، وندا وسى بويى كەتەمىز. بۇل قاسيەت ءبىزدى ەشقاشان دا وسىرمەيدى.
ءبىز وسىندايمىز، سوندىقتان ءبىزدى ءوزىمىز سياقتى ادامدار باسقارىپ وتىر.
بەكبولات قارجان،
"ادىرنا" ۇلتتىق پورتالى
