Qazaqtarda mektep dırektorynyń hatshysyna deıin dıktator. Qurylysta skladchıktiń kómekshisine deıin dıktator. Anyqtap qara, keýdesi kekireıip, eki tanaýynan bý shyǵyp turady.
Genpodrıad kompanııada isteıtin jap jas jigitter bar, qoqyraıǵan dıktator. Mynaýyń durys emes dep kórshi, basy butyna jetip, joǵaryǵa shaǵymdanyp, kóktenip, sazaryp, qara tizimge alǵyzady. Kúlip turyp, pyshaq salady.
Osyǵan qarap analızdep kórsem, bizge kim kelse de dıktator bolady. Dıktator bolmasa, ózimiz jabylyp, tútip, tıranǵa aınaldyramyz. Jalpy qoǵamdyq sana men mádenıetti qalyptastyrmaı, biz dıktatorlyqtan qutylmaımyz. Ózimiz de dıktatormyz, ózimizdi basqaratyndar da dıktator bolady. Jýyq arada qazaqtar dıktatorlardan qutylmaıdy. Ár adam ózin ózi syılap úırenbeıinshe, durys qoǵam qalyptastyrý múmkin emes. Buǵan áli talaı kýá bolamyz.
Osy qoǵamnyń keıpin aıtsań, senen jaman adam joq.
Bizge eń kemi 50 jyl kerek. Onyń ózinde qoǵamdyq órkenıetti sanany qalyptastyra alsaq. Qalyptastyra almasaq, onda osy boıy ketemiz. Bul qasıet bizdi eshqashan da ósirmeıdi.
Biz osyndaımyz, sondyqtan bizdi ózimiz sııaqty adamdar basqaryp otyr.
Bekbolat QARJAN,
"Adyrna" ulttyq portaly
