18 ماۋسىمدا اقتوبەدە 21 جاستاعى قولعانات ءاشىروۆ جەرلەندى. ونىڭ دەنەسىن ورالدان اسكەري قىزمەتشىلەر الىپ كەلدى، بىراق ولار جانازاعا قاتىسپاعان دەپ جازدى kznews.kz.
ساربازدىڭ تۋىستارىنىڭ قولعانات قىزمەت ەتكەن 5517 اسكەري ءبولىمى قىزمەتكەرلەرىنە كوپتەگەن سۇراقتارى بار. جىگىت اسكەرگە جارتى جىل بۇرىن كەتكەن. وتباسىمەن كۇن سايىن بەينەبايلانىس ارقىلى سويلەسىپ تۇرعان. جىگىت بىرەر ماسەلەگە تاپ بولعانى تۋرالى مۇلدە ايتپاعان.
رەسمي نۇسقا بويىنشا، قاتارداعى جاۋىنگەر كۇزەت كەزىندە ءوزىن-ءوزى اتىپ تاستاعان. ساربازدى اۋرۋحاناعا جەتكىزگەنشە ءتىرى بولعان، بىراق ونى قۇتقارۋعا مۇمكىندىك بولماعان.
«ونىڭ باسى تولىعىمەن مىلجا-مىلجاسى شىققان. ءوزىن ءۇش رەت اتۋ مۇمكىن ەمەس. ونىڭ ءوزى بۇعان بارماس ەدى. اينالاداعىلاردىڭ ءبارى: سۋيتسيد، سۋيتسيد دەيدى. بىراق مەن سەنبەيمىن»دەيدى قايتىس بولعان جىگىتتىڭ اناسى گۇلشات جۇباتقونوۆا.
بۇل وقيعا تۋرالى ايتقان قوعام قايراتكەرى مۇرات تەلىبەكوۆ قورعانىس ءمينيسترى نۇرلان ەرمەكباەۆتىڭ پوزيتسياسىن سىنعا الدى.
«مەن مينيستر ەرمەكباەۆ ءار ساربازدى قاداعالاي المايتىنىن تۇسىنەمىن. بىراق قىلمىسقا بايلانىستى قاتاڭ شارالار قابىلداۋ ونىڭ قۇزىرەتىندە بار عوي»، – دەپ اتاپ ءوتتى قوعام قايراتكەرى.
سونىمەن بىرگە قوعام قايراتكەرى قورعانىس ءمينيسترى قىزمەتىنە قاتال ادام كەرەك ەكەنىن باسا ايتتى.
«نەگە مينيستر سولدات قازا تاپقان اسكەري بولىمگە بارمايدى؟ ءمينيستردىڭ قاتەلىكتەرى ءۇشىن كەشىرۋگە بولادى. بىراق نەمقۇرايدىلىقتى كەشىرۋ مۇمكىن ەمەس»، – دەپ قوستى تەليبەكوۆ مىرزا.
