بۇل تۋرالى ونلاين-بريفينگ بارىسىندا اتىراۋ وبلىسى توتەنشە جاعدايلار دەپارتامەنتى باستىعىنىڭ ورىنباسارى اسقات ەرجانوۆ مالىمدەدى.
- سۋعا كەتۋ فاكتىلەرىنىڭ باسىم بولىگى ءوزىنىڭ ءالىن بىلمەي، ماس كۇيدە شومىلۋ سالدارىنان ورىن الادى. بالالاردىڭ سۋعا كەتۋى – ويناپ جۇرگەن ۋاقىتتا نەمەسە اتا-انانىڭ نازارىنان تىس قالعانىنان ورىن الادى. سۋعا كەتۋ فاكتىلەرىنىڭ قالعانى ادامنىڭ دەنساۋلىعىنىڭ كۇرت ناشارلاۋى جانە دەنەسىنىڭ قۇرىسىپ قالۋىنان بولىپ وتىر. سۋعا ءتۇسۋ ماۋسىمىندا اتا-انالار بالالارىن قاراۋسىز قالدىرماۋى كەرەك، – دەدى اسقات ەرجانوۆ.اتىراۋ وبلىسى توتەنشە جاعدايلار دەپارتامەنتى سۋداعى جازاتايىم وقيعالاردىڭ الدىن الۋ ءۇشىن، جاعاجايلارداعى دەمالىس ۋاقىتىندا سۋعا ءتۇسۋ كەزىندە قاۋىپسىزدىك شارالارى مەن ەرەجەلەرىن قاتاڭ ساقتاۋعا شاقىرادى.
