الەم بويىنشا ەلەكتر قۋاتى ءوشىپ، تارتىپسىزدىك ورىن الادى. الەۋمەتتىك جەلىدە تاراعان بۇل مالىمەتكە stopfake سايتى تەكسەرىس جۇرگىزدى.
الەۋمەتتىك جەلىلەردە «الەمدىك ۇكىمەتتىڭ» جاڭا جوسپارى تالقىلانۋدا. پايدالانۋشىلاردىڭ پىكىرىنشە، جاقىن ارادا بۇكىل الەمدە ەلەكتر قۋاتى ءوشىپ، تارتىپسىزدىك ورنايدى.
بۇل تۋرالى دۇنيەجۇزىلىك ەكونوميكالىق فورۋمنىڭ نەگىزىن قالاۋشى كلاۋس شۆاب ءمالىم ەتكەن-مىس. stopfake.kz-ءتىڭ جازۋىنشا، شىن مانىندە، شۆاب وسى جانە ءارتۇرلى ەلدەردىڭ ۇكىمەتتەرىندە مۇنداي جوسپارلاردىڭ بار ەكەندىگى جايلى ەشتەڭە ايتپاعان. بۇل تەوريانىڭ «دالەلى» رەتىندە ۇسىنىلاتىن كلاۋس شۆابتىڭ ءسوزى ءىس جۇزىندە ونىڭ Cyber Polygon 2020-دا سويلەگەن سوزىنەن الىنعان ءۇزىندى. بۇل ءتۇرلى سالانىڭ ماماندارى مەن حالىقارالىق ۇيىمداردىڭ وكىلدەرى ءسوز سويلەيتىن كورپوراتيۆتىك تەحنيكالىق كوماندالارعا ارنالعان كيبەرقاۋىپسىزدىك بويىنشا جىل سايىنعى ءىس-شارا.
ونىڭ باستى تاقىرىبى «تسيفرلىق پاندەميا: داعدارىستىڭ الدىن الۋ جانە بارلىق دەڭگەيدەگى كيبەرقاۋىپسىزدىكتى نىعايتۋ» بولدى.
«ءىس-شارا اياسىندا سويلەگەن سوزىندە كلاۋس شۆاب الەم ەكونوميكاسىنا ايتارلىقتاي اسەرىن تيگىزەتىن كيبەر-شابۋىلعا تاپ بولۋى مۇمكىن ەكەندىگى جايلى وي قوزعايدى. بۇعان جول بەرمەۋ ءۇشىن ادامدارعا قازىردىڭ وزىندە تاۋەكەلدەردى باعالاپ، وسىنداي جاعدايلارمەن كۇرەسۋ ءۇشىن ستراتەگيالار ازىرلەۋ قاجەتتىگى ايتىلدى. Cyber Polygon ناق وسى ماقساتتا ۇيىمداستىرىلدى. تەوريانىڭ تولىق تۇسىندىرمەسىن جانە ىقتيمال كيبەرشابۋىلعا دايىن بولۋدىڭ نەلىكتەن ماڭىزدى ەكەندىگى جايلى دۇنيەجۇزىلىك ەكونوميكالىق فورۋمنىڭ ۆەب-سايتىنان وقۋعا بولادى»، - دەلىنگەن سايتتا.
ءمالىم ەتىلگەندەي، بيىل Cyber Polygon ءىس-شاراسى 9 شىلدەدە وتەدى. ونىڭ بارىسىندا جەتكىزۋ تىزبەگىنە جاساندى شابۋىل ۇيىمداستىرىلادى. ال ماماندار وعان بارىنشا تەز جانە ءتيىمدى تويتارىس بەرۋى كەرەك.
«وسىلايشا، Cyber Polygon – بۇل تەك وقۋ-جاتتىعۋلار عانا، ال كلاۋس شۆابتىڭ سوزدەرى ىقتيمال قاۋىپكە جاتادى جانە قانداي دا بوملاسىن ۇكىمەتتىڭ جوسپارى ەمەس. وقۋ-جاتتىعۋلار اياسىندا ەلەكتر قۋاتىن قاساقانا ءوشىرۋ جانە الەمدە تارتىپسىزدىك ورناتۋ ستسەناريلەرى قاراستىرىلىپ وتىرعان جوق»، - دەپ قورىتىندى شىعارادى stopfake.kz.
