Älem boiynşa elektr quaty öşıp, tärtıpsızdık oryn alady. Äleumettık jelıde taraǧan būl mälımetke stopfake saity tekserıs jürgızdı.
Äleumettık jelılerde «älemdık ükımettıŋ» jaŋa jospary talqylanuda. Paidalanuşylardyŋ pıkırınşe, jaqyn arada bükıl älemde elektr quaty öşıp, tärtıpsızdık ornaidy.
Būl turaly Düniejüzılık ekonomikalyq forumnyŋ negızın qalauşy Klaus Şvab mälım etken-mys. stopfake.kz-tıŋ jazuynşa, şyn mänınde, Şvab osy jäne ärtürlı elderdıŋ ükımetterınde mūndai josparlardyŋ bar ekendıgı jaily eşteŋe aitpaǧan. Būl teoriianyŋ «dälelı» retınde ūsynylatyn Klaus Şvabtyŋ sözı ıs jüzınde onyŋ Cyber Polygon 2020-da söilegen sözınen alynǧan üzındı. Būl türlı salanyŋ mamandary men halyqaralyq ūiymdardyŋ ökılderı söz söileitın korporativtık tehnikalyq komandalarǧa arnalǧan kiberqauıpsızdık boiynşa jyl saiynǧy ıs-şara.
Onyŋ basty taqyryby «Sifrlyq pandemiia: daǧdarystyŋ aldyn alu jäne barlyq deŋgeidegı kiberqauıpsızdıktı nyǧaitu» boldy.
«Is-şara aiasynda söilegen sözınde Klaus Şvab älem ekonomikasyna aitarlyqtai äserın tigızetın kiber-şabuylǧa tap boluy mümkın ekendıgı jaily oi qozǧaidy. Būǧan jol bermeu üşın adamdarǧa qazırdıŋ özınde täuekelderdı baǧalap, osyndai jaǧdailarmen küresu üşın strategiialar äzırleu qajettıgı aityldy. Cyber Polygon naq osy maqsatta ūiymdastyryldy. Teoriianyŋ tolyq tüsındırmesın jäne yqtimal kiberşabuylǧa daiyn boludyŋ nelıkten maŋyzdy ekendıgı jaily Düniejüzılık ekonomikalyq forumnyŋ veb-saitynan oquǧa bolady», - delıngen saitta.Mälım etılgendei, biyl Cyber Polygon ıs-şarasy 9 şıldede ötedı. Onyŋ barysynda jetkızu tızbegıne jasandy şabuyl ūiymdastyrylady. Al mamandar oǧan barynşa tez jäne tiımdı toitarys beruı kerek.
«Osylaişa, Cyber Polygon – būl tek oqu-jattyǧular ǧana, al Klaus Şvabtyŋ sözderı yqtimal qauıpke jatady jäne qandai da bomlasyn ükımettıŋ jospary emes. Oqu-jattyǧular aiasynda elektr quatyn qasaqana öşıru jäne älemde tärtıpsızdık ornatu ssenariilerı qarastyrylyp otyrǧan joq», - dep qorytyndy şyǧarady stopfake.kz.
