الماتى قالاسىندا كوشەدە ەر ادامدى ءولتىرىپ كەتتى. قالالىق پوليتسيا دەپارتامەنتى «بۋران-291» پاترۋلدىك ەكيپاجى كۇدىكتىنى ۇستاعانىن مالىمدەدى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
«ۇستالعان كۇدىكتىنىڭ ايتۋىنشا، ول تەك پىشاقپەن قورعانعان، ال قارۋدىڭ قارسىلاسىنىڭ دەنەسىنە قالاي تيگەنىن بىلمەيدى. سونىمەن قاتار، ونىڭ ماس بولعانى انىقتالدى»، - دەپ حابارلادى پوليتسيادان.
كۇدىكتى الماتى وبلىسى، قاراساي اۋدانىنىڭ 45 جاستاعى تۇرعىنى.
كۇدىكتى مەن كۋاگەرلەر پوليتسيا بولىمىنە جەتكىزىلدى. ارنايى توپ وقيعا بولعان جەردى قاراۋ كەزىندە قىلمىس قارۋىن تاۋىپ، ساراپتاماعا جىبەردى.
"ادىرنا" ۇلتتىق پورتالى
