كقك-دە وتكەن بريفينگتە نۇر-سۇلتان قالاسىنىڭ اكىمى التاي كولگىنوۆ ەلباسى نۇرسۇلتان نازارباەۆ ۆاكتسيناتسيالانعان ادامدار اراسىندا پاتەر ۇتىسىنا قاتىسا ما، جوق پا دەگەن سۇراققا جاۋاپ بەردى. بۇعان دەيىن اكىمدىك كوروناۆيرۋسقا قارسى ۆاكتسيناتسياعا ازاماتتاردى كوپتەپ تارتۋ ءۇشىن وسىنداي اكتسيا جاريالادى، دەپ حابارلايدى "ادىرنا" پورتالى.
"مەن مىنانى ايتقىم كەلەدى: ەلباسى ءوز مىسالىندا ءسىزدىڭ دەنساۋلىعىڭىزدى، اينالاڭىزداعى ادامداردىڭ ءومىرى مەن دەنساۋلىعىن ساقتاۋ ءۇشىن ۆاكتسيناتسيا قاجەت ەكەنىن كورسەتتى. سوندىقتان، ەلباسىدان ۇلگى الايىق، ول ءوزى جەكە مىسال ارقىلى ءتارتىپتى قالاي ساقتاۋ كەرەكتىگىن جانە وزىڭىزگە قالاي قاراۋ كەرەكتىگىن كورسەتتى", - دەدى كولگىنوۆ.
سونىمەن بىرگە، ول كوروناۆيرۋستىق ينفەكتسياعا قارسى ۆاكتسيناتسيانىڭ ماڭىزدىلىعىن ەسكە ءتۇسىردى.
"كونكۋرس تۋرالى ءبىز جاريالاعان اقپارات بارلىق ۆاكتسيناناتسيا العاندارعا ارنالعان. سوندىقتان ءبىز ۆاكتسينا الماعان ادامداردى، ۆاكتسيناتسيالانۋعا شاقىرامىز. ەكى جول بار، دەيدى ماماندار. بىرىنشىدەن، ادام ۆيرۋس جۇقتىرىپ، ۆيرۋستىڭ كوپ مولشەرىن الادى، سودان كەيىن ول ءوز اعزالارىن قالپىنا كەلتىرۋى كەرەك: باۋىردى، بۇيرەكتى، ىشكى اعزالاردى. ەكىنشىسى - ۆاكتسينا الىپ، ءوزىڭىزدى جانە جاقىندارىڭىزدى قورعاۋ", - دەپ ءسوزىن اياقتادى اكىم.
25 ماۋسىمدا نۇرسۇلتان نازارباەۆقا قاراعاندى فارماتسەۆتيكالىق زاۋىتىندا شىعارىلعان العاشقى Sputnik V كومپونەنتى ەگىلدى. ۆاكتسيناتسيادان كەيىن تۇڭعىش پرەزيدەنت قازاقستاندىقتاردى سانيتارلىق-ەپيدەميولوگيالىق قاۋىپسىزدىك شارالارىن ساقتاۋعا جانە بەلسەندى ۆاكتسيناتسيالاۋعا شاقىردى.
"ادىرنا" ۇلتتىق پورتالى
