پولشادا قازاقستاندىق ءجاسوسپىرىمدى ولتىرگەن كۇدىكتىنىڭ ءىسى سوتقا جىبەرىلدى، دەپ حابارلايدى «ادىرنا» ءتىلشىسى Dziennik Wschodni-گە سىلتەمە جاساپ.
"ليۋبلين اۋداندىق پروكۋراتۋراسى سوتقا ايىپتاۋ قورىتىندىسىن بەردى", - دەلىنگەن حابارلامادا.
نەگىزگى ايىپتالۋشىنىڭ 52 جاستاعى زەينەتكە شىققان پوليتسيا قىزمەتكەرى جانە اڭشى ەكەندىگى انىقتالدى. ول وپولە-ليۋبلينسك اسكەري قۇرامىندا قىزمەت ەتىپ جۇرگەندە اڭشى مىلتىعىن قولدانۋعا رۇقسات العان.
ەسكە سالا كەتەيىك، قايعىلى وقيعا وتكەن جىلدىڭ 1 قاراشاسىندا كلۋچكوۆيتساداعى ينتەرنات ماڭىندا ستۋدەنتتەر ءبىلىم بەرۋ مەكەمەسىنەن 200 مەتردەي جەردە ورنالاسقان مەكتەپ باقشاسىندا بولعان ەدى. وتستاۆكاداعى پوليتسەي جابايى قاباندى اتىپ جاتقانىنا سەنىمدى بولعان.
«ادىرنا» ۇلتتىق پورتالى
