بىرىڭعاي جيناقتاۋشى زەينەتاقى قورى "وتباسى بانك" تۇرعىن ءۇي قۇرىلىس جيناق بانكى" اق-دا اشىلعان قازاقستاندىقتاردىڭ ارنايى شوتتارىنا 2021 جىلدىڭ 8 شىلدە ايىنداعى جاعداي بويىنشا 1,5 ترلن تەڭگەدەن استام قاراجات اۋداردى، دەپ حابارلايدى "ادىرنا" ۇلتتىق پورتالى Sputnik قازاقستان سايتىنا سىلتەمە جاساپ.
ونىڭ ىشىندە 176 ملرد تەڭگە 45 كۇننىڭ ىشىندە پايدالانىلماعان قاراجات قايتا قايتارىلدى.
205 659 قازاقستاندىق enpf-otbasy.kz پلاتفورماسى ارقىلى تۇرعىن ءۇي جاعدايىن جاقسارتۋ جانە ەمدەلۋ اقىسىن تولەۋ ءۇشىن جالپى سوماسى 1,2 ترلن تەڭگەگە تەڭ زەينەتاقى تولەمدەرىن پايدالاندى. ولاردىڭ ۇشتەن ءبىرى – ايەلدەر (64 685) جانە ۇشتەن ەكىسى - ەر ادامدار (140 974).
بىرجولعى زەينەتاقى تولەمدەرىن قولدانۋ بويىنشا ءبىرىنشى ورىندا ماڭعىستاۋ وبلىسىنىڭ تۇرعىندارى تۇر (33 682 ادام), ولار جالپى سوماسى 312 ملرد تەڭگە پايدالانعان.
ەكىنشى ورىندا نۇر-سۇلتان قالاسى (32 216 ادام), ەلوردا تۇرعىندارى 197 ملرد-قا جۋىق تەڭگە قولدانعان.
الماتى قالاسى – ءۇشىنشى ورىندا (27 396 ادام), الماتىلىقتار جالپى سوماسى 213 ملرد-قا جۋىق تەڭگەنى تۇرعىن ءۇي جاعدايىن جاقسارتۋ جانە ەمدەلۋ اقىسىن تولەۋگە جۇمساعان.
Enpf-otbasy.kz پلاتفورماسى ارقىلى تۇرعىن ءۇي جاعدايىن جاقسارتۋ جانە ەمدەۋ ءۇشىن ماڭعىستاۋ وبلىسىنىڭ 40 پەن 59 جاس ارالىعىنداعى ەر ازاماتتارى ءجيى پايدالانعان. ايەلدەر اراسىندا نۇر-سۇلتان قالاسىنىڭ 40 پەن 59 جاس ارالىعىنداعى قىز-كەلىنشەكتەرى كوش باستاپ تۇر.
"وتباسى بانكىندە" يپوتەكالىق تۇرعىن ءۇي زاەمىن الۋ ءۇشىن باستاپقى جارنا رەتىندە قولدانعان 9 359 قازاقستاندىق، قايتالاما نارىقتان تۇرعىن ءۇي تاڭداعان.
قالعان 1 729 ادام، العاشقى نارىقتان تۇرعىن ءۇي الۋدى ءجون كورگەن (36 ملرد تەڭگەدەن استام). 100-دەن استام ادام زەينەتاقى تولەمدەرىن قۇرىلىس، جوندەۋ جانە قايتا قارجىلاندىرۋعا جۇمساعان (2 ملرد تەڭگەدەن استام).
"ادىرنا" ۇلتتىق پورتالى
