Bıryŋǧai jinaqtauşy zeinetaqy qory "Otbasy bank" tūrǧyn üi qūrylys jinaq bankı" AQ-da aşylǧan qazaqstandyqtardyŋ arnaiy şottaryna 2021 jyldyŋ 8 şılde aiyndaǧy jaǧdai boiynşa 1,5 trln teŋgeden astam qarajat audardy, dep habarlaidy "Adyrna" ūlttyq portaly Sputnik Qazaqstan saityna sılteme jasap.
Onyŋ ışınde 176 mlrd teŋge 45 künnıŋ ışınde paidalanylmaǧan qarajat qaita qaitaryldy.
205 659 qazaqstandyq enpf-otbasy.kz platformasy arqyly tūrǧyn üi jaǧdaiyn jaqsartu jäne emdelu aqysyn töleu üşın jalpy somasy 1,2 trln teŋgege teŋ zeinetaqy tölemderın paidalandy. Olardyŋ üşten bırı – äielder (64 685) jäne üşten ekısı - er adamdar (140 974).
Bırjolǧy zeinetaqy tölemderın qoldanu boiynşa bırınşı orynda Maŋǧystau oblysynyŋ tūrǧyndary tūr (33 682 adam), olar jalpy somasy 312 mlrd teŋge paidalanǧan.
Ekınşı orynda Nūr-Sūltan qalasy (32 216 adam), elorda tūrǧyndary 197 mlrd-qa juyq teŋge qoldanǧan.
Almaty qalasy – üşınşı orynda (27 396 adam), almatylyqtar jalpy somasy 213 mlrd-qa juyq teŋgenı tūrǧyn üi jaǧdaiyn jaqsartu jäne emdelu aqysyn töleuge jūmsaǧan.
Enpf-otbasy.kz platformasy arqyly tūrǧyn üi jaǧdaiyn jaqsartu jäne emdeu üşın Maŋǧystau oblysynyŋ 40 pen 59 jas aralyǧyndaǧy er azamattary jiı paidalanǧan. Äielder arasynda Nūr-Sūltan qalasynyŋ 40 pen 59 jas aralyǧyndaǧy qyz-kelınşekterı köş bastap tūr.
"Otbasy bankınde" ipotekalyq tūrǧyn üi zaemyn alu üşın bastapqy jarna retınde qoldanǧan 9 359 qazaqstandyq, qaitalama naryqtan tūrǧyn üi taŋdaǧan.
Qalǧan 1 729 adam, alǧaşqy naryqtan tūrǧyn üi aludy jön körgen (36 mlrd teŋgeden astam). 100-den astam adam zeinetaqy tölemderın qūrylys, jöndeu jäne qaita qarjylandyruǧa jūmsaǧan (2 mlrd teŋgeden astam).
"Adyrna" ūlttyq portaly
