Biryńǵaı jınaqtaýshy zeınetaqy qory "Otbasy bank" turǵyn úı qurylys jınaq banki" AQ-da ashylǵan qazaqstandyqtardyń arnaıy shottaryna 2021 jyldyń 8 shilde aıyndaǵy jaǵdaı boıynsha 1,5 trln teńgeden astam qarajat aýdardy, dep habarlaıdy "Adyrna" ulttyq portaly Sputnik Qazaqstan saıtyna silteme jasap.
Onyń ishinde 176 mlrd teńge 45 kúnniń ishinde paıdalanylmaǵan qarajat qaıta qaıtaryldy.
205 659 qazaqstandyq enpf-otbasy.kz platformasy arqyly turǵyn úı jaǵdaıyn jaqsartý jáne emdelý aqysyn tóleý úshin jalpy somasy 1,2 trln teńgege teń zeınetaqy tólemderin paıdalandy. Olardyń úshten biri – áıelder (64 685) jáne úshten ekisi - er adamdar (140 974).
Birjolǵy zeınetaqy tólemderin qoldaný boıynsha birinshi orynda Mańǵystaý oblysynyń turǵyndary tur (33 682 adam), olar jalpy somasy 312 mlrd teńge paıdalanǵan.
Ekinshi orynda Nur-Sultan qalasy (32 216 adam), elorda turǵyndary 197 mlrd-qa jýyq teńge qoldanǵan.
Almaty qalasy – úshinshi orynda (27 396 adam), almatylyqtar jalpy somasy 213 mlrd-qa jýyq teńgeni turǵyn úı jaǵdaıyn jaqsartý jáne emdelý aqysyn tóleýge jumsaǵan.
Enpf-otbasy.kz platformasy arqyly turǵyn úı jaǵdaıyn jaqsartý jáne emdeý úshin Mańǵystaý oblysynyń 40 pen 59 jas aralyǵyndaǵy er azamattary jıi paıdalanǵan. Áıelder arasynda Nur-Sultan qalasynyń 40 pen 59 jas aralyǵyndaǵy qyz-kelinshekteri kósh bastap tur.
"Otbasy bankinde" ıpotekalyq turǵyn úı zaemyn alý úshin bastapqy jarna retinde qoldanǵan 9 359 qazaqstandyq, qaıtalama naryqtan turǵyn úı tańdaǵan.
Qalǵan 1 729 adam, alǵashqy naryqtan turǵyn úı alýdy jón kórgen (36 mlrd teńgeden astam). 100-den astam adam zeınetaqy tólemderin qurylys, jóndeý jáne qaıta qarjylandyrýǵa jumsaǵan (2 mlrd teńgeden astam).
"Adyrna" ulttyq portaly
