شىمكەنت قالاسىنىڭ اكىمى قوناەۆ داڭعىلى جالعاسى قۇرىلىسىنىڭ ءىى كەزەڭى جۇمىستارىمەن («ەسكى قالاشىق» اۋماعى) تانىستى.
قازىرگى تاڭدا اتالعان نىسان بويىنشا مەملەكەت مۇقتاجى ءۇشىن الىنعان 15 ءۇي تولىعىمەن ءسۇرىلدى. جوبادا ايتەكە بي كوشەسىمەن ۇزىندىعى 600 م جول استى وتكەلى (توننەل) بولىگى قاراستىرىلعان. ءبىرىنشى كەزەكتە قۇرىلىستىڭ نەگىزگى جۇمىستارىن (توننەل قازۋ) باستاۋ ءۇشىن ايتەكە بي كوشەسى بويىنداعى نىسانداردى مەملەكەت مۇقتاجىنا قايتارۋ قاجەت.
قۇرىلىس اۋماعىنا تۇسەتىن جەر تەلىمدەرى ۋاقتىلى مەملەكەت مۇقتاجىنا الىنعان جاعدايدا جولدىڭ قۇرىلىسىن جىل سوڭىنا دەيىن اياقتاۋ جوسپارلانعان.
قالا اكىمى سالا باسشىلارىنا تۇرعىنداردىڭ ءۇيىن الۋ كەزىندە ولاردىڭ تالاپ-تىلەگى ەسكەرىلەتىندەي بولۋ قاجەتتىگىن ايتتى.
شىمكەنت قالاسى اكىمدىگىنىڭ ءباسپاسوز قىزمەتى
