Şymkent qalasynyŋ äkımı Qonaev daŋǧyly jalǧasy qūrylysynyŋ II kezeŋı jūmystarymen («Eskı qalaşyq» aumaǧy) tanysty.
Qazırgı taŋda atalǧan nysan boiynşa memleket mūqtajy üşın alynǧan 15 üi tolyǧymen sürıldı. Jobada Äiteke bi köşesımen ūzyndyǧy 600 m jol asty ötkelı (tonnel) bölıgı qarastyrylǧan. Bırınşı kezekte qūrylystyŋ negızgı jūmystaryn (tonnel qazu) bastau üşın Äiteke bi köşesı boiyndaǧy nysandardy memleket mūqtajyna qaitaru qajet.
Qūrylys aumaǧyna tüsetın jer telımderı uaqtyly memleket mūqtajyna alynǧan jaǧdaida joldyŋ qūrylysyn jyl soŋyna deiın aiaqtau josparlanǧan.
Qala äkımı sala basşylaryna tūrǧyndardyŋ üiın alu kezınde olardyŋ talap-tılegı eskerıletındei bolu qajettıgın aitty.
Şymkent qalasy äkımdıgınıŋ baspasöz qyzmetı
