شىمكەنتتە بالالاردىڭ بوس ۋاقىتىن ءتيىمدى وتكىزۋ، جاپپاي سپورتتى دامىتۋ ماقساتىندا كوپتەگەن جاڭا نىساندار پايدالانۋعا بەرىلۋدە. بۇگىن قالادا ەكى جاڭا بالالار سپورت الاڭى سالتاناتتى تۇردە اشىلدى.
كوشە الاڭىنىڭ قۇرىلىسى Eurasian Resources Group (ERG) قولداۋىمەن شىمكەنت قالاسى اكىمدىگىمەن ءوزارا ىنتىماقتاستىق تۋرالى مەموراندۋم اياسىندا ىسكە اسىرىلدى.
جاڭا نىساننىڭ ۇلكەن سپورت الاڭى، جاساندى جابىنى، جارىقتاندىرۋى جانە جوعارى قورشاۋى بار. وندا بالالارعا باسكەتبول، ۆولەيبول، فۋتبول، تەننيس ويناۋعا بارلىق جاعداي جاسالعان.
كوشە الاڭدارىنىڭ قۇرىلىسى شىمكەنت قالاسىنىڭ ينفراقۇرىلىمىن جاقسارتۋ باعدارلاماسى اياسىندا قولعا الىنۋدا. جىل سوڭىنا دەيىن قالانىڭ باسقا دا شاعىناۋداندارىندا وسىنداي بەس الاڭ پايدا بولادى.
ERG-ءدىڭ قازاقستانداعى قىزمەتىنىڭ 25 جىلى ىشىندە الەۋمەتتىك شىعىندارعا سالىنعان ينۆەستيتسيالارى 1 ملرد دوللاردان اسقان. ERG 17 جىل بويى توپ كاسىپورىندارى ورنالاسقان اقتوبە، قوستاناي، قاراعاندى جانە پاۆلودار وبلىستارىندا الەۋمەتتىك ماڭىزى بار جوبالاردى ىسكە اسىرۋ بويىنشا جىل سايىن مەموراندۋمدار جاساپ كەلەدى. بيىل شىمكەنت قالاسى اكىمدىگىمەن مەموراندۋمعا قول قويىلدى.
كومپانيا وڭىرلەردى قولداۋ بويىنشا «تۋعان قالالار» باعدارلاماسىن ىسكە اسىرادى. باعدارلاما اياسىندا تۇرعىن ۇيلەردىڭ، مەكتەپتەردىڭ، اۋرۋحانالاردىڭ، بالالار مەن ەرەسەكتەرگە ارنالعان سپورت نىساندارىنىڭ، ساياباقتاردىڭ قۇرىلىسى مەن جوندەۋ جۇمىستارى جۇرگىزىلۋدە.
شىمكەنت قالاسى اكىمدىگىنىڭ ءباسپاسوز قىزمەتى
