Şymkentte balalardyŋ bos uaqytyn tiımdı ötkızu, jappai sportty damytu maqsatynda köptegen jaŋa nysandar paidalanuǧa berılude. Bügın qalada ekı jaŋa balalar sport alaŋy saltanatty türde aşyldy.
Köşe alaŋynyŋ qūrylysy Eurasian Resources Group (ERG) qoldauymen Şymkent qalasy äkımdıgımen özara yntymaqtastyq turaly memorandum aiasynda ıske asyryldy.
Jaŋa nysannyŋ ülken sport alaŋy, jasandy jabyny, jaryqtandyruy jäne joǧary qorşauy bar. Onda balalarǧa basketbol, voleibol, futbol, tennis oinauǧa barlyq jaǧdai jasalǧan.
Köşe alaŋdarynyŋ qūrylysy Şymkent qalasynyŋ infraqūrylymyn jaqsartu baǧdarlamasy aiasynda qolǧa alynuda. Jyl soŋyna deiın qalanyŋ basqa da şaǧynaudandarynda osyndai bes alaŋ paida bolady.
ERG-dıŋ Qazaqstandaǧy qyzmetınıŋ 25 jyly ışınde äleumettık şyǧyndarǧa salynǧan investisiialary 1 mlrd dollardan asqan. ERG 17 jyl boiy top käsıporyndary ornalasqan Aqtöbe, Qostanai, Qaraǧandy jäne Pavlodar oblystarynda äleumettık maŋyzy bar jobalardy ıske asyru boiynşa jyl saiyn memorandumdar jasap keledı. Biyl Şymkent qalasy äkımdıgımen memorandumǧa qol qoiyldy.
Kompaniia öŋırlerdı qoldau boiynşa «Tuǧan qalalar» baǧdarlamasyn ıske asyrady. Baǧdarlama aiasynda tūrǧyn üilerdıŋ, mektepterdıŋ, auruhanalardyŋ, balalar men eresekterge arnalǧan sport nysandarynyŋ, saiabaqtardyŋ qūrylysy men jöndeu jūmystary jürgızılude.
Şymkent qalasy äkımdıgınıŋ baspasöz qyzmetı
