بۇگىن شىمكەنت قالاسى اكىمىنىڭ ورىنباسارى ەرعالي بىلىسبەكوۆ اقپاراتتىق –كوممۋنيكاتسيالىق ورتالىعىندا وتكەن ءباسپاسوز بريفينگىنە قاتىسىپ، 2021 جىلعى قاڭتار-مامىر ايلارىنداعى قالانىڭ ستراتەگيالىق دامۋى بويىنشا اتقارىلعان جۇمىستارىن قورىتىندىلادى.
جيىن بارىسىندا ەرعالي داۋلەتبەكۇلى باق وكىلدەرىنە ءوزى جەتەكشىلىك ەتەتىن تۇرعىن ءۇي، جۇمىسپەن قامتۋ جانە الەۋمەتتىك قورعاۋ، ەكونوميكا جانە بيۋدجەتتىك جوسپارلاۋ، قارجى سالالارى بويىنشا بىرقاتار سۇراقتارعا جاۋاپ بەردى.
قالانىڭ الەۋمەتتىك-ەكونوميكالىق دامۋى تۇرعىسىندا ماڭىزدى سالالاردىڭ ءبىرى - قارجى سالاسى. بيىلعى تۇسىمدەر جوسپارى 451 ملرد 275,4 ملن تەڭگەنى قۇرايدى. ونىڭ ىشىندە سالىقتىق تۇسىمدەر، سالىقتىق ەمەس جانە نەگىزگى كاپيتالدى ساتۋدان تۇسىمدەر مەن ترانسفەرتتەر بار.
جيىندا اتاپ كورسەتىلگەنىندەي، وسى جىلدىڭ 5 ايىندا جەرگىلىكتى بيۋدجەتكە تۇسەتىن سالىقتار مەن باسقا دا تۇسىمدەردىڭ جوسپارى 121,8 %-عا ورىندالعان. ياعني، جوسپار بويىنشا 54 ملرد. 39,6 ملن.تەڭگەنىڭ ورنىنا ناقتى 65 ملرد. 820,2 ملن.تەڭگە ءتۇسىپ، 11 ملرد. 780,6 ملن.تەڭگەگە ارتىق ورىندالدى.
– بيۋدجەتتىڭ شىعىستار بولىگىن ورىنداۋ جونىندەگى كورسەتكىشتەردىڭ دە جامان ەمەستىگىن اتاپ وتكىم كەلەدى. وتكەن جىلدىڭ قورىتىندىسىمەن 452,7 ملرد.تەڭگە بيۋدجەت قارجىسى يگەرىلىپ، جوسپارلانعان مەجە 99,7%-دى قۇراعان بولاتىن. بۇل ءبىزدىڭ قالامىزداعى سوڭعى جىلدارداعى جوعارى كورسەتكىش، –دەدى قالا اكىمىنىڭ ورىنباسارى.
بيىل بيۋدجەت شىعىستارىنىڭ باسىم بولىگى الەۋمەتتىك سالاعا باعىتتالىپ وتىر. ونىڭ ىشىندە بiلiم بەرۋ، الەۋمەتتiك كومەك جانە الەۋمەتتiك قامسىزداندىرۋ، مادەنيەت، سپورت، تۋريزم، اقپاراتتىق كەڭىستىك جانە دەنساۋلىق cاقتاۋ سالالارى. جالپى بيۋدجەتتىڭ يگەرىلۋى تۋرالى مالىمەتتەردى قالا اكىمدىگىنىڭ جانە قارجى باسقارماسىنىڭ سايتىنان كورۋگە بولادى. مالىمەتتەر اي سايىن جاڭارتىلىپ وتىرادى.
شىمكەنت قالاسى اكىمدىگىنىڭ ءباسپاسوز قىزمەتى
