Bügın Şymkent qalasy äkımınıŋ orynbasary Erǧali Bılısbekov aqparattyq –kommunikasiialyq ortalyǧynda ötken baspasöz brifingıne qatysyp, 2021 jylǧy qaŋtar-mamyr ailaryndaǧy qalanyŋ strategiialyq damuy boiynşa atqarylǧan jūmystaryn qorytyndylady.
Jiyn barysynda Erǧali Däuletbekūly BAQ ökılderıne özı jetekşılık etetın tūrǧyn üi, jūmyspen qamtu jäne äleumettık qorǧau, ekonomika jäne biudjettık josparlau, qarjy salalary boiynşa bırqatar sūraqtarǧa jauap berdı.
Qalanyŋ äleumettık-ekonomikalyq damuy tūrǧysynda maŋyzdy salalardyŋ bırı - qarjy salasy. Biylǧy tüsımder jospary 451 mlrd 275,4 mln teŋgenı qūraidy. Onyŋ ışınde salyqtyq tüsımder, salyqtyq emes jäne negızgı kapitaldy satudan tüsımder men transfertter bar.
Jiynda atap körsetılgenındei, osy jyldyŋ 5 aiynda jergılıktı biudjetke tüsetın salyqtar men basqa da tüsımderdıŋ jospary 121,8 %-ǧa oryndalǧan. Iаǧni, jospar boiynşa 54 mlrd. 39,6 mln.teŋgenıŋ ornyna naqty 65 mlrd. 820,2 mln.teŋge tüsıp, 11 mlrd. 780,6 mln.teŋgege artyq oryndaldy.
– Biudjettıŋ şyǧystar bölıgın oryndau jönındegı körsetkışterdıŋ de jaman emestıgın atap ötkım keledı. Ötken jyldyŋ qorytyndysymen 452,7 mlrd.teŋge biudjet qarjysy igerılıp, josparlanǧan meje 99,7%-dy qūraǧan bolatyn. Būl bızdıŋ qalamyzdaǧy soŋǧy jyldardaǧy joǧary körsetkış, –dedı qala äkımınıŋ orynbasary.
Biyl biudjet şyǧystarynyŋ basym bölıgı äleumettık salaǧa baǧyttalyp otyr. Onyŋ ışınde bilim beru, äleumettik kömek jäne äleumettik qamsyzdandyru, mädeniet, sport, turizm, aqparattyq keŋıstık jäne densaulyq caqtau salalary. Jalpy biudjettıŋ igerıluı turaly mälımetterdı qala äkımdıgınıŋ jäne qarjy basqarmasynyŋ saitynan köruge bolady. Mälımetter ai saiyn jaŋartylyp otyrady.
Şymkent qalasy äkımdıgınıŋ baspasöz qyzmetı
